UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Associated topic(s):
Soma
Show parallels
Show headlines
Use dependency labeler
Chapter id: 11153
- Click on a sentence to show its analysis
- Keep the mouse pointer over a lemma to show its meanings.
pary ū ṣu pra dhanva vājasātaye pari vṛtrāṇi sakṣaṇiḥ / (1.1)
Par.?
dviṣas taradhyā ṛṇayā na īyase // (1.2)
Par.?
anu hi tvā sutaṃ soma madāmasi mahe samaryarājye / (2.1)
Par.?
vājāṁ abhi pavamāna pra gāhase // (2.2)
Par.?
ajījano hi pavamāna sūryaṃ vidhāre śakmanā payaḥ / (3.1)
Par.?
gojīrayā raṃhamāṇaḥ purandhyā // (3.2)
Par.?
ajījano amṛta martyeṣv āṃ ṛtasya dharmann amṛtasya cāruṇaḥ / (4.1) Par.?
sadāsaro vājam acchā saniṣyadat // (4.2)
Par.?
abhyabhi hi śravasā tatardithotsaṃ na kaṃcij janapānam akṣitam / (5.1)
Par.?
śaryābhir na bharamāṇo gabhastyoḥ // (5.2)
Par.?
ād īṃ kecit paśyamānāsa āpyaṃ vasuruco divyā abhy anūṣata / (6.1)
Par.?
vāraṃ na devaḥ savitā vy ūrṇute // (6.2)
Par.?
tve soma prathamā vṛktabarhiṣo mahe vājāya śravase dhiyaṃ dadhuḥ / (7.1)
Par.?
sa tvaṃ no vīra vīryāya codaya // (7.2)
Par.?
divaḥ pīyūṣam pūrvyaṃ yad ukthyam maho gāhād diva ā nir adhukṣata / (8.1)
Par.?
indram abhi jāyamānaṃ sam asvaran // (8.2)
Par.?
adha yad ime pavamāna rodasī imā ca viśvā bhuvanābhi majmanā / (9.1)
Par.?
yūthe na niṣṭhā vṛṣabho vi tiṣṭhase // (9.2)
Par.?
somaḥ punāno avyaye vāre śiśur na krīᄆan pavamāno akṣāḥ / (10.1)
Par.?
sahasradhāraḥ śatavāja induḥ // (10.2)
Par.?
eṣa punāno madhumāṁ ṛtāvendrāyenduḥ pavate svādur ūrmiḥ / (11.1)
Par.?
vājasanir varivovid vayodhāḥ // (11.2)
Par.?
sa pavasva sahamānaḥ pṛtanyūn sedhan rakṣāṃsy apa durgahāṇi / (12.1)
Par.?
svāyudhaḥ sāsahvān soma śatrūn // (12.2)
Par.?
Duration=0.045981884002686 secs.