Texts

Select a text:
Bibliography

Select a chapter:
(no revisions)

Associated topic(s): against evil

Show parallels Show headlines
Use dependency labeler

Chapter id: 10459

kṣetriyāt tvā nirṛtyā jāmiśaṃsād druho muñcāmi varuṇasya pāśāt / (1.1) Par.?

anāgasaṃ brahmaṇā tvā kṛṇomi śive te dyāvāpṛthivī ubhe stām // (1.2) Par.?

śaṃ te agniḥ sahādbhir astu śaṃ somaḥ sahauṣadhībhiḥ / (2.1) Par.?

evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt / (2.2) Par.?

anāgasaṃ brahmaṇā tvā kṛṇomi śive te dyāvāpṛthivī ubhe stām // (2.3) Par.?

śam te vāto antarikṣe vayo dhācchaṃ te bhavantu pradiśaś catasraḥ / (3.1) Par.?

evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt / (3.2) Par.?

anāgasaṃ brahmaṇā tvā kṛṇomi śive te dyāvāpṛthivī ubhe stām // (3.3) Par.?

imā yā devīḥ pradiśaś catasro vātapatnīr abhi sūryo vicaṣṭe / (4.1) Par.?

evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt / (4.2) Par.?

anāgasaṃ brahmaṇā tvā kṛṇomi śive te dyāvāpṛthivī ubhe stām // (4.3) Par.?

tāsu tvāntar jarasy ā dadhāmi pra yakṣma etu nirṛtiḥ parācaiḥ / (5.1) Par.?

evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt / (5.2) Par.?

anāgasaṃ brahmaṇā tvā kṛṇomi śive te dyāvāpṛthivī ubhe stām // (5.3) Par.?

amukthā yakṣmād duritād avadyād druhaḥ pāśād grāhyāś cod amukthāḥ / (6.1) Par.?

evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt / (6.2) Par.?

anāgasaṃ brahmaṇā tvā kṛṇomi śive te dyāvāpṛthivī ubhe stām // (6.3) Par.?

ahā arātim avidaḥ syonam apy abhūr bhadre sukṛtasya loke / (7.1) Par.?

evāhaṃ tvāṃ kṣetriyān nirṛtyā jāmiśaṃsād druho muñcāmi varuṇasya pāśāt / (7.2) Par.?

anāgasaṃ brahmaṇā tvā kṛṇomi śive te dyāvāpṛthivī ubhe stām // (7.3) Par.?

sūryam ṛtaṃ tamaso grāhyā adhi devā muñcanto asṛjan nir enasaḥ / (8.1) Par.?

evāham tvāṃ kṣetriyān nirṛtyā jāmiśaṃsād druho muñcāmi varuṇasya pāśāt / (8.2) Par.?

anāgasam brahmaṇā tvā kṛṇomi śive te dyāvāpṛthivī ubhe stām // (8.3) Par.?

Duration=0.041669845581055 secs.