Texts

Select a text:
Bibliography

Select a chapter:
(no revisions)

Associated topic(s): birth, pregnancy

Show parallels Show headlines
Use dependency labeler

Chapter id: 10779

parvatād divo yoner aṅgādaṅgāt samābhṛtam / (1.1) Par.?

śepo garbhasya retodhāḥ sarau parṇam ivā dadhat // (1.2) Par.?

yatheyaṃ pṛthivī mahī bhūtānāṃ garbham ādadhe / (2.1) Par.?

evā dadhāmi te garbhaṃ tasmai tvām avase huve // (2.2) Par.?

garbhaṃ dhehi sinīvāli garbhaṃ dhehi sarasvati / (3.1) Par.?

garbhaṃ te aśvinobhā dhattāṃ puṣkarasrajā // (3.2) Par.?

garbhaṃ te mitrāvaruṇau garbham devo bṛhaspatiḥ / (4.1) Par.?

garbhaṃ ta indraś cāgniś ca garbhaṃ dhātā dadhātu te // (4.2) Par.?

viṣṇur yoniṃ kalpayatu tvaṣṭā rūpāṇi piṃśatu / (5.1) Par.?

ā siñcatu prajāpatir dhātā garbhaṃ dadhātu te // (5.2) Par.?

yad veda rājā varuṇo yad vā devī sarasvatī / (6.1) Par.?

yad indro vṛtrahā veda tad garbhakaraṇaṃ piba // (6.2) Par.?

garbho asy oṣadhīnāṃ garbho vanaspatīnām / (7.1) Par.?

garbho viśvasya bhūtasya so agne garbham eha dhāḥ // (7.2) Par.?

adhi skanda vīrayasva garbham ā dhehi yonyām / (8.1) Par.?

vṛṣāsi vṛṣṇyāvan prajāyai tvā nayāmasi // (8.2) Par.?

vi jihīṣva bārhatsāme garbhas te yonim ā śayām / (9.1) Par.?

aduṣ ṭe devāḥ putraṃ somapā ubhayāvinam // (9.2) Par.?

dhātaḥ śreṣṭhena rūpeṇāsyā nāryā gavīnyoḥ / (10.1) Par.?

pumāṃsaṃ putram ā dhehi daśame māsi sūtave // (10.2) Par.?

tvaṣṭaḥ śreṣṭhena rūpeṇāsyā nāryā gavīnyoḥ / (11.1) Par.?

pumāṃsaṃ putram ā dhehi daśame māsi sūtave // (11.2) Par.?

savitaḥ śreṣṭhena rūpeṇāsyā nāryā gavīnyoḥ / (12.1) Par.?

pumāṃsaṃ putram ā dhehi daśame māsi sūtave // (12.2) Par.?

prajāpate śreṣṭhena rūpeṇāsyā nāryā gavīnyoḥ / (13.1) Par.?

pumāṃsaṃ putram ā dhehi daśame māsi sūtave // (13.2) Par.?

Duration=0.053555965423584 secs.