UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels Show headlines
Use dependency labeler
Chapter id: 12288
- Click on a sentence to show its analysis
- Keep the mouse pointer over a lemma to show its meanings.
sa dhruvāṃ diśam anuvyacalat / (1.1)
Par.?
taṃ bhūmiś cāgniś cauṣadhayaś ca vanaspatayaś ca vānaspatyāś ca vīrudhaś cānuvyacalan / (1.2)
Par.?
bhūmeś ca vai so 'gneś cauṣadhīnāṃ ca vanaspatīnāṃ ca vānaspatyānāṃ ca vīrudhāṃ ca priyaṃ dhāma bhavati ya evaṃ veda // (1.3)
Par.?
sa ūrdhvāṃ diśam anuvyacalat / (2.1)
Par.?
tam ṛtaṃ ca satyaṃ ca sūryaś ca candraś ca nakṣatrāṇi cānuvyacalan / (2.2)
Par.?
ṛtasya ca vai sa satyasya ca sūryasya ca candrasya ca nakṣatrāṇāṃ ca priyaṃ dhāma bhavati ya evaṃ veda // (2.3)
Par.?
sa uttamāṃ diśam anuvyacalat / (3.1)
Par.?
tam ṛcaś ca sāmāni ca yajūṃṣi ca brahma cānuvyacalan / (3.2)
Par.?
ṛcāṃ ca vai sa sāmnāṃ ca yajuṣāṃ ca brahmaṇaś ca priyaṃ dhāma bhavati ya evaṃ veda // (3.3) Par.?
sa bṛhatīṃ diśam anuvyacalat / (4.1)
Par.?
tam itihāsaś ca purāṇaṃ ca gāthāś ca nārāśaṃsīś cānuvyacalan / (4.2)
Par.?
itihāsasya ca vai sa purāṇasya ca gāthānāṃ ca nārāśaṃsīnāṃ ca priyaṃ dhāma bhavati ya evaṃ veda // (4.3)
Par.?
sa paramāṃ diśam anuvyacalat / (5.1)
Par.?
tam āhavanīyaś ca gārhapatyaś ca dakṣiṇāgniś ca yajñaś ca yajamānaś ca paśavaś cānuvyacalan / (5.2)
Par.?
āhavanīyasya ca vai sa gārhapatyasya ca dakṣiṇāgneś ca yajñasya ca yajamānasya ca paśūnāṃ ca priyaṃ dhāma bhavati ya evaṃ veda // (5.3)
Par.?
so 'nādiṣṭāṃ diśam anuvyacalat / (6.1)
Par.?
tam ṛtavaś cārtavāś ca lokāś ca laukyāś ca māsāś cārdhamāsāś cāhorātre cānuvyacalan / (6.2)
Par.?
ṛtūnāṃ ca vai sa ārtavānāṃ ca lokānāṃ ca laukyānāṃ ca māsānāṃ cārdhamāsānāṃ cāhorātrayoś ca priyaṃ dhāma bhavati ya evaṃ veda // (6.3)
Par.?
so 'nāvṛttāṃ diśam anuvyacalat tato nāvartsyann amanyata / (7.1)
Par.?
taṃ ditiś cāditiś ceḍā cendrāṇī cānuvyacalan / (7.2)
Par.?
diteś ca vai so 'diteś ceḍāyāś cendrāṇyāś ca priyaṃ dhāma bhavati ya evaṃ veda // (7.3)
Par.?
sa diśo 'nuvyacalat taṃ virāḍ anuvyacalat sarve ca devāḥ sarvāś ca devatāḥ / (8.1)
Par.?
virājaś ca vai sa sarveṣāṃ ca devānāṃ sarvāsāṃ ca devatānāṃ priyaṃ dhāma bhavati ya evaṃ veda // (8.2)
Par.?
sa sarvān antardeśān anuvyacalat / (9.1)
Par.?
taṃ prajāpatiś ca parameṣṭhī ca pitā ca pitāmahaś cānuvyacalan / (9.2)
Par.?
prajāpateś ca vai sa parameṣṭhinaś ca pituś ca pitāmahasya ca priyaṃ dhāma bhavati ya evaṃ veda // (9.3)
Par.?
Duration=0.056791067123413 secs.