UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 12298
- Click on a sentence to show its analysis
- Keep the mouse pointer over a lemma to show its meanings.
tad yasyaivaṃ vidvān vrātyo 'tithir gṛhān āgacchet // (1)
Par.?
svayam enam abhyudetya brūyād vrātya kvāvātsīr vrātyodakaṃ vrātya tarpayantu vrātya yathā te priyaṃ tathāstu vrātya yathā te vaśas tathāstu vrātya yathā te nikāmas tathāstv iti // (2)
Par.?
yad enam āha vrātya kvāvātsīr iti patha eva tena devayānān avarunddhe // (3)
Par.?
yad enam āha vrātyodakam ity apa eva tenāvarunddhe // (4)
Par.?
yad enam āha vrātya tarpayantv iti prāṇam eva tena varṣīyāṃsaṃ kurute // (5)
Par.?
yad enam āha vrātya yathā te priyaṃ tathāstv iti priyam eva tenāvarunddhe // (6)
Par.?
ainaṃ priyaṃ gacchati priyaḥ priyasya bhavati ya evaṃ veda // (7)
Par.?
yad enam āha vrātya yathā te vaśas tathāstv iti vaśam eva tenāvarunddhe // (8)
Par.?
ainaṃ vaśo gacchati vaśī vaśināṃ bhavati ya evaṃ veda // (9)
Par.?
yad enam āha vrātya yathā te nikāmas tathāstv iti nikāmam eva tenāvarunddhe // (10)
Par.?
ainaṃ nikāmo gacchati nikāme nikāmasya bhavati ya evaṃ veda // (11) Par.?
Duration=0.024077892303467 secs.