Texts

Help

Select a text:
Bibliography
Select a chapter:
 (no revisions)
Associated topic(s): Pitṛ worship, pitṛyajña

Show parallels  Show headlines
Use dependency labeler
Chapter id: 12863
  • Click on a sentence to show its analysis
  • Keep the mouse pointer over a lemma to show its meanings.
2 parallel or similar passage(s) in this chapter
I 10,18(1) Die Handlung vor den Hauptopfergaben
uśantas tvā havāmaha uśantaḥ samidhīmahi / (1.1) Par.?
uśann uśata āvaha pitṝn haviṣe attave // (1.2) Par.?
ity anvāha // (2.0) Par.?
uśanto hi pitaraḥ // (3.0) Par.?
anuṣṭubham anvāha // (4.0) Par.?
anto vā anuṣṭup // (5.0) Par.?
antaḥ pitaraḥ // (6.0) Par.?
tasmād anuṣṭubham anvāha // (7.0) Par.?
ekām anvāha // (8.0) Par.?
ekalokā hi pitaraḥ // (9.0) Par.?
trir anvāha // (10.0) Par.?
tṛtīye hi loke pitaraḥ // (11.0) Par.?
yad ekām anvāha tena pitṝṇām // (12.0) Par.?
yat tris tena devānām // (13.0) Par.?
ubhaye hījyante // (14.0) Par.?
na hotāraṃ vṛṇīte nārṣeyam // (15.0) Par.?
mṛtyor evainā utsṛjati // (16.0) Par.?
apabarhiṣaḥ prayājān yajati // (17.0) Par.?
prajā vai barhiḥ // (18.0) Par.?
prajā eva mṛtyor utsṛjati // (19.0) Par.?
I 10,18(2) Die Opferung fr Soma, fr die V¦ter und fr Agni
saṃvyayate vai manuṣyebhyaḥ kariṣyan // (20.0) Par.?
dakṣiṇato devebhyā upavyayate // (21.0) Par.?
athātra prācīnāvītena bhavyaṃ vyāvṛttyai // (22.0) Par.?
dakṣiṇato 'vadāyodaṅṅ atikramya dakṣiṇā tiṣṭhan juhoti // (23.0) Par.?
dakṣiṇā hi pitṝṇām // (24.0) Par.?
somam agre yajati // (25.0) Par.?
somo vai pitṝṇāṃ devatā // (26.0) Par.?
pitṛdevatyaḥ somaḥ // (27.0) Par.?
yat somaṃ pitṛmantaṃ yajati somapāṃs tat pitṝn yajati yad barhiṣado yajvanas tad yad agniṣvāttān gṛhamedhinaḥ // (28.0) Par.?
tad yad agniṃ kavyavāhanaṃ dve vā agnes tanvau havyavāhanyā devebhyo havyaṃ vahati kavyavāhanyā pitṛbhyaḥ samiṣṭyā eva pratiṣṭhityai // (29.0) Par.?
dve vai devānāṃ yājyānuvākye // (30.0) Par.?
prāṇyayā yacchati gamayaty anyayā // (31.0) Par.?
athātra tisraḥ kāryāḥ // (32.0) Par.?
pare hi devebhyaḥ pitaraḥ // (33.0) Par.?
tad yaiṣā tṛtīyāty evaitayā prādāt // (34.0) Par.?
pañcakṛtvo 'vadyati // (35.0) Par.?
pāṅkto yajñaḥ // (36.0) Par.?
yāvān eva yajñas tam ālabdha // (37.0) Par.?
yāvān eva yajñas tam ālabdhaḥ / (MS, 3, 7, 4, 2, 20) [0]
yāvān eva yajñas tam ālabdhaḥ // (MS, 1, 4, 9, 6, 0) [0]
svadhā nama iti vaṣaṭkaroti // (38.0) Par.?
svadhākāraḥ pitṝṇām // (39.0) Par.?
namaskāro devānām // (40.0) Par.?
ubhaye hījyante // (41.0) Par.?
I 10,18(3) Das Niederlegen der Reiskl￶￟e
sraktiṣu nidadhāti // (42.0) Par.?
devān vai pitṝn manuṣyā anuprapibante // (43.0) Par.?
devān eva pitṝn ayāṭ // (44.0) Par.?
trir nidadhāti // (45.0) Par.?
trīn hīdaṃ puruṣān abhismaḥ // (46.0) Par.?
trīn parān anvācaṣṭe // (47.0) Par.?
trayo hi pare pitā putraḥ pautro 'nusaṃtatyai // (48.0) Par.?
sarvāsu sraktiṣu nidadhāti // (49.0) Par.?
sarvāsu hi dikṣu pitaraḥ // (50.0) Par.?
sarvā evainaṃ diśo gamayati // (51.0) Par.?
nāmuṣyāṃ nidadhāti // (52.0) Par.?
yad amuṣyāṃ nidadhyān mṛtyunaināḥ pariveśayet // (53.0) Par.?
tām evānūdyanti // (54.0) Par.?
atha yat tasyāṃ nimārṣṭi tām eva tena prīṇāti // (55.0) Par.?
Duration=0.1155149936676 secs.