Texts

sarvo ha khalu vai ṣoḍaśimān yatrodvaṃśīyaṃ kriyate // (1) Par.?

uttamaṃ padaṃ punar abhyasyati // (2) Par.?

ṣoḍaśy eva tena rūpeṇa kriyate // (3) Par.?

vajro vai bhrātṛvyāya ṣoḍaśī // (4) Par.?

vajram evaitad dviṣate bhrātṛvyāya praharati stṛtyai // (5) Par.?

tamo vai devāsurān antarāsīt // (6) Par.?

te devā etam ardheḍam apaśyan // (7) Par.?

tenainad vyāyan // (8) Par.?

yaṃ dviṣyāt taṃ manasā dhyāyet // (9) Par.?

etam ardheḍam upāvayan vy evainam eti // (10) Par.?

adhyardheḍaṃ svarati // (11) Par.?

tasmāddhy ūdhar dhārā atikṣaranti // (12) Par.?

aṣāḍho ha sāvayaso 'tirātreṇeje // (13) Par.?

tad u hātidhanvaḥ śaunakaḥ prasṛpta āsa // (14) Par.?

sa hodvaṃśīyam atirātre 'cchāvākasāma cakre // (15) Par.?

taṃ hovāca maivaṃ kuruthā avalupteḍaḥ svaraḥ parastād apratiṣṭhitaḥ pāricaryasya rūpam iti // (16) Par.?

sa hovāca tāṃ vai vayaṃ kṛtsnām iḍām upetya svareṇaiva saṃtatya rātriṃ pravatsyāmahā iti // (17) Par.?

neti hetara uvāca // (18) Par.?

indro vā etena sāmnāsurān anvabhyavait // (19) Par.?

te balaṃ svaraṃ viditvā pratyādravan // (20) Par.?

taṃ prākurvata // (21) Par.?

sa prakṛta etam ardheḍaṃ nyahan // (22) Par.?

trāṇāya vā eṣa yad ardheḍam iti // (23) Par.?