Texts

sūyame me 'dya staṃ svāvṛtau sūpāvṛtā agnāviṣṇū vijihāthām / (1.1) Par.?

mā mā hiṃsiṣṭam / (1.2) Par.?

lokaṃ me lokakṛtau kṛṇutam / (1.3) Par.?

mā modoṣiṣṭam ātmānaṃ me pātam / (1.4) Par.?

śivau bhavatam adya naḥ / (1.5) Par.?

viṣṇoḥ sthāmāsītaḥ / (1.6) Par.?

indras tiṣṭhan vīryam akṛṇod devatābhiḥ samārabhya // (1.7) Par.?

ūrdhvo adhvaro divispṛg ahruto yajño yajñapateḥ / (2.1) Par.?

indravānt svavān bṛhadbhāḥ // (2.2) Par.?

vīhi madhor ghṛtasya svāhā / (3.1) Par.?

saṃ jyotiṣā jyotiḥ // (3.2) Par.?

vājasya mā prasavenodgrābheṇodajigrabhat / (4.1) Par.?

athā sapatnān indro me nigrābheṇādharaṃ akaḥ // (4.2) Par.?

udgrābhaś ca nigrābhaś ca brahma devaṃ avīvṛdhat / (5.1) Par.?

athā sapatnān indrāgnī me viṣūcīnān vyasyatām // (5.2) Par.?

vasur asi / (6.1) Par.?

upāvasur asi / (6.2) Par.?

viśvāvasur asi / (6.3) Par.?

aptubhī rihāṇā vyantu vayo / (6.4) Par.?

vaśā pṛśnir bhūtvā maruto gaccha / (6.5) Par.?

tato no vṛṣṭyāvata // (6.6) Par.?

saṃsrāvabhāgāḥ stheṣā bṛhantaḥ prastareṣṭhā barhiṣadaś ca devāḥ / (7.1) Par.?

imāṃ vācam abhi viśve gṛṇantaḥ svāhā devā amṛtā mādayantām // (7.2) Par.?

devā gātuvido gātuṃ vittvā gātum ita / (8.1) Par.?

manasaspate sudhātv imaṃ yajñaṃ divi deveṣu vāte dhāḥ svāhā // (8.2) Par.?