Texts

dadan mā iti vai dīyate // (1) Par.?

sadadi vā eṣa dadāti yo 'gnihotraṃ juhoti // (2) Par.?

yadyat kāmayeta tattad agnihotry agniṃ yācet // (3) Par.?

upa hainaṃ tan namati // (4) Par.?

tad āhur ṛcchati vā eṣa devān ya enānt sadadi yācatīti // (5) Par.?

tasmāt tarhi nopastheyaḥ // (6) Par.?

yamo vā amriyata // (7) Par.?

te devā yamyā yamam apābruvan // (8) Par.?

tāṃ yad apṛcchant sābravīt // (9) Par.?

adyāmṛteti // (10) Par.?

te 'bruvan // (11) Par.?

na vā iyam imam itthaṃ mṛṣyate // (12) Par.?

rātrīṃ sṛjāmahā iti // (13) Par.?

ahar vāva tarhy āsīn na rātriḥ // (14) Par.?

te devā rātrim asṛjanta // (15) Par.?

tataḥ śvastanam abhavat // (16) Par.?

tataḥ sā tam amṛṣyata // (17) Par.?

tasmād āhur ahorātrāṇi vāvāghaṃ marṣayantīti // (18) Par.?

sā vai rātriḥ sṛṣṭā paśūn abhisamamīlat // (19) Par.?

te devāś chandobhir eva paśūn anvapaśyan // (20) Par.?

chandobhir enān punar upāhvayanta // (21) Par.?

yad upatiṣṭhate chandobhir vā etat paśūn anupaśyati // (22) Par.?

chandobhir enān punar upahvayate // (23) Par.?

atho āhur varuṇo vai sa tad rātrir bhūtvā paśūn agrasateti // (24) Par.?

te devāś chandobhir eva varuṇāt prāmuñcan // (25) Par.?

chandobhir enān punar upāhvayanta // (26) Par.?

yad upatiṣṭhate chandobhir vā etad varuṇāt paśūn pramuñcati // (27) Par.?

chandobhir enān punar upahvayate // (28) Par.?

yajño yajño vai samṛcchate // (29) Par.?

athākasyavido manyante soma eva samṛcchatā iti / (30.1) Par.?

agnīṣomīyāyāḥ purastād vihavyasya catasrā ṛco vadet // (30.2) Par.?

āgneyasya puroḍāśasya dve yājyānuvākye kuryāt // (31) Par.?

etenaiva havīṃṣy āsannāny abhimṛśet // (32) Par.?

vṛṅkte 'nyasya yajñam // (33) Par.?

nāsyānyo yajñaṃ vṛṅkte // (34) Par.?

sa yajño bhavaty ayajñā itaraḥ // (35) Par.?