Texts

atha rājasūyāḥ // (1) Par.?

purastāt phālgunyāḥ paurṇamāsyāḥ pavitreṇa agniṣṭomena abhyārohaṇīyena yajeta // (2) Par.?

paurṇamāsyāṃ cāturmāsyāni prayuṅkte // (3) Par.?

nityāni parvāṇi // (4) Par.?

cakrābhyāṃ tu parvāntareṣu caranti // (5) Par.?

aharviparyayaṃ pakṣaviparyayaṃ vā // (6) Par.?

saṃvatsarānte samānapakṣe abhiṣecanīyadaśapeyau // (7) Par.?

ukthyo bṛhatpṛṣṭha ubhayasāmābhiṣecanīyaḥ // (8) Par.?

saṃsthite marutvatīye dakṣiṇata āhavanīyasya hiraṇyakaśipāv āsīno 'bhiṣiktāya putrāmātyaparivṛtāya rājñe śaunaḥśepam ācakṣīta // (9) Par.?

hiraṇyakaśipāv āsīna ācaṣṭe hiraṇyakaśipāv āsīnaḥ pratigṛhṇāti yaśo vai hiraṇyaṃ yaśasaivainaṃ tat samardhayati // (10) Par.?

om ity ṛcaḥ pratigara evaṃ tatheti gāthāyāḥ // (11) Par.?

om iti vai daivaṃ tatheti mānuṣam daivena caivainaṃ tan mānuṣeṇa ca pāpād enasaḥ pramuñcati // (12) Par.?

tasmād yo rājā vijitī syād apy ayajamāna ākhyāpayetaiva etacchaunaḥśepam ākhyānaṃ na hāsminn alpam ca nainaḥ pariśiṣyate // (13) Par.?

sahasram ākhyātre dadyāt // (14) Par.?

śataṃ pratigaritre // (15) Par.?

yathāsvam āsane // (16) Par.?

saṃsṛpeṣṭibhiś caritvā daśapeyena yajeta // (17) Par.?

tatra daśa daśaikaikaṃ camasaṃ bhakṣayeyuḥ // (18) Par.?

nityān prasaṃkhyāyetarān anuprasarpayeyuḥ // (19) Par.?

ye mātṛtaḥ pitṛtaś ca daśapuruṣaṃ samanuṣṭhitā vidyātapobhyāṃ puṇyaiś ca karmabhir yeṣām ubhayato nābrāhmaṇyaṃ ninayeyuḥ // (20) Par.?

pitṛta ity eke // (21) Par.?

navagvāsaḥ sutasomāsa indraṃ sakhā ha yatra sakhibhir navagvair iti nividdhānayor ādye // (22) Par.?

sūktamukhīye ity ukta ete pratīyāt // (23) Par.?

uttara āpūryamāṇapakṣe keśavapanīyo bṛhatpṛṣṭho 'tirātraḥ // (24) Par.?

dvayor māsayor vyuṣṭidvyahaḥ // (25) Par.?

agniṣṭomaḥ pūrvam ahaḥ sarvastomo 'tirātra uttaram // (26) Par.?

uttara āpūryamāṇapakṣe kṣatrasya dhṛtir agniṣṭomaḥ // (27) Par.?