Texts

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 14275

ud u tvā / (1.1) Par.?

pañca diśo daivīr yajñam avantu devīr apāmatiṃ durmatiṃ bādhamānāḥ / (1.2) Par.?

rāyaspoṣe yajñapatim ābhajantī rāyaspoṣe adhi yajño asthāt // (1.3) Par.?

samiddhe agnā adhi māmahāna ukthapatrā īḍyo gṛbhītaḥ / (2.1) Par.?

taptaṃ gharmaṃ parigṛhyāyajantorjā yad yajñam aśamanta devāḥ // (2.2) Par.?

daivyāya dhātre deṣṭre devaśrīḥ śrīmanāḥ śatapāt / (3.1) Par.?

parigṛhya yajñam āyan // (3.2) Par.?

harikeśaḥ sūryaraśmiḥ purastāt savitā jyotir udayaṃ ajasram / (4.1) Par.?

tasya pūṣā prasave yāti vidvānt saṃpaśyan viśvā bhuvanāni gopāḥ // (4.2) Par.?

devā deveṣv adhvaryanto asthur vītaṃ śamitrā śamitaṃ yajadhyai / (5.1) Par.?

turīyo yajño yatra havyam eti tato vākā āśiṣo no juṣantām // (5.2) Par.?

indraṃ viśvā avīvṛdhant samudravyacasaṃ giraḥ / (6.1) Par.?

rathītamaṃ rathīnāṃ vājānāṃ satpatiṃ patim // (6.2) Par.?

vimāna eṣa divo madhya āsta āpapṛvān rodasī antarikṣam / (7.1) Par.?

sa viśvācīr abhicaṣṭe ghṛtācīr antarā pūrvam aparaṃ ca ketum // (7.2) Par.?

ukṣā samudre aruṇaḥ suparṇaḥ pūrvasya yoniṃ pitur āviveśa / (8.1) Par.?

madhye divo nihitaḥ pṛśnir aśmā vicakrame rajasas pāty antau // (8.2) Par.?

sumnahūr yajña ā ca vakṣad yakṣad agnir devo devaṃ ā ca vakṣat / (9.1) Par.?

devahūr yajña ā ca vakṣad yakṣad agnir devo devaṃ ā ca vakṣat // (9.2) Par.?

vājasya mā prasaveneti dve // (10.1) Par.?

Duration=0.035897016525269 secs.