Texts

aśvinā havir indriyaṃ namucer dhiyā sarasvatī / (1.1) Par.?

ā śukram āsurād vasu madyam indrāya jabhrire // (1.2) Par.?

yam aśvinā sarasvatī haviṣendram avardhayan / (2.1) Par.?

sa bibheda balaṃ madyaṃ namucā āsure sacā // (2.2) Par.?

tam indraṃ paśavaḥ sacāśvinobhā sarasvatī / (3.1) Par.?

dadhānā abhyanūṣata haviṣā yajña indriyam // (3.2) Par.?

ya indra indriyaṃ dadhuḥ savitā varuṇo bhagaḥ / (4.1) Par.?

sa sutrāmā haviṣpatir yajamānāya saścata // (4.2) Par.?

savitā varuṇo dadhad yajamānāya dāśuṣe / (5.1) Par.?

ādatta namucer vasu sutrāmā balam indriyam // (5.2) Par.?

varuṇaḥ kṣatram indriyaṃ bhagena savitā śriyam / (6.1) Par.?

sutrāmā yaśasā balaṃ dadhānā yajñam āśata // (6.2) Par.?

yuvaṃ surāmam aśvinā namucā āsure sacā / (7.1) Par.?

vipipānā sarasvatīndraṃ karmasv āvata // (7.2) Par.?

hotā yakṣad aśvinau sarasvatīm indram ime somāḥ surāmāṇaḥ / (8.1) Par.?

chāgair na meṣair ṛṣabhaiḥ sutāḥ śaṣpair na tokmabhiḥ / (8.2) Par.?

lājair mahasvanto madā māsareṇa parisrutā / (8.3) Par.?

śukrāḥ payasvanto 'mṛtāḥ prasthitā vo madhuścyutaḥ / (8.4) Par.?

tān aśvinā sarasvatīndro juṣantāṃ somyaṃ madhu / (8.5) Par.?

pibantu / (8.6) Par.?

madantām / (8.7) Par.?

vyantu / (8.8) Par.?

hotar yaja / (8.9) Par.?

putram iva pitarā aśvinobhendrāvathuḥ kāvyair daṃsanābhiḥ / (8.10) Par.?

yat surāmaṃ vyapibaḥ śacībhiḥ sarasvatī tvā maghavann abhiṣṇak // (8.11) Par.?

aśvinā gobhir indriyam aśvebhir vīryaṃ balam / (9.1) Par.?

haviṣendraṃ sarasvatī yajamānam avardhayan // (9.2) Par.?

tā nāsatyā supeśasā hiraṇyavarttanī narā / (10.1) Par.?

sarasvatī haviṣmatīndraṃ karmasv avatu // (10.2) Par.?

tā bhiṣajā sukarmaṇā sā sudughā sarasvatī / (11.1) Par.?

sa vṛtrahā śatakratur indrāya dadhur indriyam // (11.2) Par.?

ahāvy agne havir āsye te srucīva ghṛtaṃ camvīva somaḥ / (12.1) Par.?

vājasaniṃ rayim asme suvīraṃ praśastaṃ dhehi yaśasaṃ bṛhantam // (12.2) Par.?

yasminn aśvāsa ṛṣabhāsa ukṣaṇo vaśā meṣā avasṛṣṭāsā āhutāḥ / (13.1) Par.?

kīlālape somapṛṣṭhāya vedhase hṛdā matiṃ janaye cārum agnaye // (13.2) Par.?