UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 16090
- Click on a sentence to show its analysis
- Keep the mouse pointer over a lemma to show its meanings.
viśvarūpaṃ vai tvāṣṭram indro 'han // (1) Par.?
sa tvaṣṭā hataputro 'bhicaraṇīyam apendraṃ somam āharat // (2)
Par.?
tasyendro yajñaveśasaṃ kṛtvā prāsahā somam apibat // (3)
Par.?
sa viṣvaṅ vyārchat // (4)
Par.?
tasmāt somo nānupahūtena pātavyaḥ // (5)
Par.?
somapītho 'sya vyardhuko bhavati // (6)
Par.?
tasya mukhāt prāṇebhyaḥ śrīr yaśāṃsy ūrdhvāny udakrāman // (7)
Par.?
tāni paśūn prāviśan // (8)
Par.?
tasmāt paśavo yaśaḥ // (9)
Par.?
yaśo ha bhavati ya evaṃ veda // (10)
Par.?
tato 'smā etad aśvinau ca sarasvatī ca yajñaṃ samabharant sautrāmaṇiṃ bhaiṣajyāya // (11)
Par.?
tayendram abhyaṣiñcan // (12)
Par.?
tato vai sa devānāṃ śreṣṭho 'bhavat // (13)
Par.?
śreṣṭhaḥ svānāṃ cānyeṣāṃ ca bhavati ya evaṃ veda yaś caivaṃvidvānt sautrāmaṇyābhiṣicyate // (14)
Par.?
Duration=0.05969500541687 secs.