Texts

saṃpṛca stha saṃ mā bhadreṇa pṛṅkteti prāṅ adhvaryuḥ somagrahair uddravati / (1.1) Par.?

vipṛca stha vi mā pāpmanā pṛṅkteti pratyaṅ pratiprasthātā surāgrahaiḥ // (1.2) Par.?

āhavanīyanyante somagrahair avatiṣṭhante / (2.1) Par.?

mārjālīyanyante surāgrahaiḥ // (2.2) Par.?

pracarati somagrahaiḥ // (3.1) Par.?

vaṣaṭkārānuvaṣaṭkārau surāgrahān anuprakampayanti // (4.1) Par.?

vyākhyātaḥ somasya bhakṣaḥ // (5.1) Par.?

virāṭchandasa iti bhakṣamantraṃ namati // (6.1) Par.?

mārutyā avadānīyāni somagrahāṃś cartvigbhya upaharanti / (7.1) Par.?

anavadānīyāni surāgrahāṃś ca vājasṛdbhyaḥ // (7.2) Par.?

tāni dakṣiṇasyāṃ vediśroṇyāṃ vimāthīkṛtya bhakṣayanti // (8.1) Par.?

kakudo rājaputro dhruvagopo naivāragopo vā prāśnīyāt / (9.1) Par.?

sarvaṃ vā kakudam upariṣṭāt sarvasomebhyaḥ // (9.2) Par.?

atra sārasvataprabhṛtīnāṃ daivatena pracarati // (10.1) Par.?

yajñāraṇye pracarantīti vijñāyate // (11.1) Par.?

tad yatreṣṭā anūyājā bhavanty avyūḍhāḥ srucaḥ / (12.1) Par.?

tad etaiḥ pracareyuḥ / (12.2) Par.?

tad u tathā na kuryāt / (12.3) Par.?

hvalati vā etad yajño yad evaṃ kurvantīti // (12.4) Par.?

tasmād yatraiva pūrveṣāṃ vapābhiś careyus tad itareṣām / (13.1) Par.?

yatro haiva havirbhis taddhavirbhiḥ // (13.2) Par.?

saṃtiṣṭhate vājapeyaḥ // (14.1) Par.?

teneṣṭvā sautrāmaṇyā yajeta / (15.1) Par.?

maitrāvaruṇyā vāmikṣayā // (15.2) Par.?

yāvajjīvaṃ na kaṃcana pratyavarohet // (16.1) Par.?

bṛhaspatisavena vā pratyavarohaṇīyena yajeta // (17.1) Par.?

śvetacchattrī ha bhavatīti vijñāyate // (18.1) Par.?