Texts

Help

Select a text:
Bibliography
Select a chapter:
 (no revisions)
Associated topic(s): Soma sacrifice

Show parallels  Show headlines
Use dependency labeler
Chapter id: 15867
  • Click on a sentence to show its analysis
  • Keep the mouse pointer over a lemma to show its meanings.
suvargāya vā etāni lokāya hūyante yad dākṣiṇāni // (1) Par.?
dvābhyāṃ gārhapatye juhoti // (2) Par.?
dvipād yajamānaḥ pratiṣṭhityai // (3) Par.?
āgnīdhre juhoti // (4) Par.?
antarikṣa evākramate // (5) Par.?
sado 'bhyaiti // (6) Par.?
suvargam evainaṃ lokaṃ gamayati // (7) Par.?
saurībhyām ṛgbhyāṃ gārhapatye juhoti // (8) Par.?
amum evainaṃ lokaṃ samārohayati // (9) Par.?
nayavatyarcāgnīdhre juhoti suvargasya lokasyābhinītyai // (10) Par.?
divaṃ gaccha // (11) Par.?
suvaḥ pateti // (12) Par.?
hiraṇyaṃ hutvodgṛhṇāti // (13) Par.?
suvargam evainaṃ lokam gamayati // (14) Par.?
rūpeṇa vo rūpam abhyaimīty āha // (15) Par.?
rūpeṇa hy āsāṃ rūpam abhyaiti yaddhiraṇyena // (16) Par.?
tutho vo viśvavedā vibhajatv ity āha // (17) Par.?
tutho ha sma vai viśvavedā devānāṃ dakṣiṇā vibhajati // (18) Par.?
tenaivainā vibhajati // (19) Par.?
etat te agne rādha aiti somacyutam ity āha // (20) Par.?
somacyutaṃ hy asya rādha aiti // (21) Par.?
tan mitrasya pathā nayety āha śāntyai // (22) Par.?
ṛtasya pathā preta candradakṣiṇā ity āha // (23) Par.?
satyaṃ vā ṛtam // (24) Par.?
satyenaivainā ṛtena vibhajati // (25) Par.?
yajñasya pathā suvitā nayantīr ity āha // (26) Par.?
yajñasya hy etāḥ pathā yanti yad dakṣiṇāḥ // (27) Par.?
brāhmaṇam adya rādhyāsam ṛṣim ārṣeyam ity āha // (28) Par.?
eṣa vai brāhmaṇa ṛṣir ārṣeyo yaḥ śuśruvān // (29) Par.?
tasmād evam āha // (30) Par.?
vi suvaḥ paśya vy antarikṣam ity āha // (31) Par.?
suvargam evainaṃ lokaṃ gamayati // (32) Par.?
yatasva sadasyair ity āha mitratvāya // (33) Par.?
asmaddātrā devatrā gacchata madhumatīḥ // (34) Par.?
pra dātāram āviśatety āha // (35) Par.?
vayam iha pradātāraḥ smaḥ // (36) Par.?
asmān amutra madhumatīr āviśateti vāvaitad āha // (37) Par.?
hiraṇyaṃ dadāti // (38) Par.?
jyotir vai hiraṇyam // (39) Par.?
jyotir eva purastād dhatte suvargasya lokasyānukhyātyai // (40) Par.?
agnīdhe dadāti // (41) Par.?
agnimukhān evartūn prīṇāti // (42) Par.?
brahmaṇe dadāti prasūtyai // (43) Par.?
hotre dadāti // (44) Par.?
ātmā vā eṣa yajñasya yaddhotā // (45) Par.?
ātmānam eva yajñasya dakṣiṇābhiḥ samardhayati // (46) Par.?
Duration=0.12487101554871 secs.