Texts

śaunaḥśepaṃ prathamam // (1) Par.?

yathā śunaḥśepa ājīgartir yūpe niyukto mumuce // (2) Par.?

prathame ca sūkte nigadet // (3) Par.?

kākṣīvataṃ dvitīyam // (4) Par.?

yathā kakṣīvān auśijaḥ svanaye bhāvayavye saniṃ sasāna // (5) Par.?

uttame ca sūkte nigadet // (6) Par.?

śyāvāśvaṃ tṛtīyam // (7) Par.?

yathā śyāvāśva ārcanānaso vaidadaśvau saniṃ sasāna // (8) Par.?

ke ṣṭhā nara iti ca sūktam // (9) Par.?

bhāradvājaṃ caturtham // (10) Par.?

yathā bharadvājo bṛbautakṣṇi prastoke ca sārñjaye saniṃ sasāna // (11) Par.?

adhi bṛbuḥ prastoka iti catasraḥ // (12) Par.?

vāsiṣṭhaṃ pañcamam // (13) Par.?

yathā vasiṣṭhaḥ sudāsaḥ paijavanasya purohito babhūva // (14) Par.?

dve naptur iti ca sūktam // (15) Par.?

maidhātitham ṣaṣṭham // (16) Par.?

yathāsaṅgaḥ plāyogiḥ strī satī pumān babhūva // (17) Par.?

stuhi stuhīti ca sūktam // (18) Par.?

vātsyaṃ saptamam // (19) Par.?

yathā vatsaḥ kāṇvas tirindire pāraśavyaye saniṃ sasāna // (20) Par.?

śatam ahaṃ tirindira iti ca sūktam // (21) Par.?

vāśam aṣṭamam // (22) Par.?

yathā vaśo 'śvyaḥ pṛthuśravasi kānīte saniṃ sasāna // (23) Par.?

ā sa etu ya īvad iti ca sūktam // (24) Par.?

prāskaṇvaṃ navamam // (25) Par.?

yathā praskaṇvaḥ pṛṣadhre medhye mātariśvani saniṃ sasāna // (26) Par.?

bhūrīd indrasyeti ca sūkte // (27) Par.?

nābhānediṣṭhaṃ daśamam // (28) Par.?

yathā nābhānediṣṭho mānavo 'ṅgiraḥsu saniṃ sasāna // (29) Par.?

ye yajñeneti ca sūktam // (30) Par.?

nārāśaṃsāni bhavanti // (31) Par.?

puruṣo vai nārāśaṃsaḥ // (32) Par.?

tad enaṃ svena rūpeṇa samardhayati // (33) Par.?