Texts

Select a text:
Bibliography

Select a chapter:
(no revisions)

Show parallels Show headlines
Use dependency labeler

Chapter id: 711

Click on a sentence to show its analysis
Keep the mouse pointer over a lemma to show its meanings.

atra manaḥśabdenāntaḥkaraṇaṃ tattantratvād udāharaṇārthatvāc ca manograhaṇasya ubhayātmakatvāc ca manasaḥ sarvakaraṇagrahaṇānugrahaṇāc ca kāryagrahaṇamityataḥ kāryakaraṇādhiṣṭhātṛtvāc ca sakala ityupacaryate // (1) Par.?

tathā caitādṛśamanasaḥ pratiṣedhādatra kāryakaraṇarahito niṣkalo bhagavān amana ityucyate // (2) Par.?

tasmāt sakaletarānugrāhakānādiśaktir vidyate // (3) Par.?

uktaṃ hi / (4.1) Par.?

apāṇipādodarapārśvajihvaḥ atīndriyo vyāpisvabhāvasiddhaḥ / (4.2) Par.?

paśyaty acakṣuḥ sa śṛṇotyakarṇo na cāstyabuddhaṃ na ca buddhirasti / (4.3) Par.?

sa vetti sarvaṃ na ca tasyāsti vettā tamāhuragryaṃ puruṣaṃ mahāntam // (4.4) Par.?

ityetad bhagavatyabhyadhikatvaṃ śeṣeṣu ca nyūnatvaṃ ca jñātvā yuktaṃ vaktuṃ mano'manāya namaḥ // (5) Par.?

mano'manāya iti caturthī // (6) Par.?

namu ityātmapradāne pūjāyāṃ ca // (7) Par.?

sambhāvanānyatvāc cāpunaruktāḥ sarve namaḥśabdā draṣṭavyāḥ // (8) Par.?

Duration=0.021769046783447 secs.