Texts

Select a text:
Bibliography

Select a chapter:
(no revisions)

Associated topic(s): Varuṇa

Show parallels Show headlines
Use dependency labeler

Chapter id: 10940

pra śundhyuvaṃ varuṇāya preṣṭhām matiṃ vasiṣṭha mīﾱhuṣe bharasva / (1.1) Par.?

ya īm arvāñcaṃ karate yajatraṃ sahasrāmaghaṃ vṛṣaṇam bṛhantam // (1.2) Par.?

adhā nv asya saṃdṛśaṃ jaganvān agner anīkaṃ varuṇasya maṃsi / (2.1) Par.?

svar yad aśmann adhipā u andho 'bhi mā vapur dṛśaye ninīyāt // (2.2) Par.?

ā yad ruhāva varuṇaś ca nāvam pra yat samudram īrayāva madhyam / (3.1) Par.?

adhi yad apāṃ snubhiś carāva pra preṅkha īṅkhayāvahai śubhe kam // (3.2) Par.?

vasiṣṭhaṃ ha varuṇo nāvy ādhād ṛṣiṃ cakāra svapā mahobhiḥ / (4.1) Par.?

stotāraṃ vipraḥ sudinatve ahnāṃ yān nu dyāvas tatanan yād uṣāsaḥ // (4.2) Par.?

kva tyāni nau sakhyā babhūvuḥ sacāvahe yad avṛkam purā cit / (5.1) Par.?

bṛhantam mānaṃ varuṇa svadhāvaḥ sahasradvāraṃ jagamā gṛhaṃ te // (5.2) Par.?

ya āpir nityo varuṇa priyaḥ san tvām āgāṃsi kṛṇavat sakhā te / (6.1) Par.?

mā ta enasvanto yakṣin bhujema yandhi ṣmā vipra stuvate varūtham // (6.2) Par.?

dhruvāsu tvāsu kṣitiṣu kṣiyanto vy asmat pāśaṃ varuṇo mumocat / (7.1) Par.?

avo vanvānā aditer upasthād yūyam pāta svastibhiḥ sadā naḥ // (7.2) Par.?

Duration=0.030345916748047 secs.