Texts

Help

Select a text:
Bibliography
Select a chapter:
 (no revisions)
Associated topic(s): dīkṣā

Show parallels  Show headlines
Use dependency labeler
Chapter id: 12378
  • Click on a sentence to show its analysis
  • Keep the mouse pointer over a lemma to show its meanings.
tad āhuḥ kāṃ devatāṃ dīkṣamāṇā anuniṣīdanti kām anūttiṣṭhantīti // (1) Par.?
sa brūyād agniṃ devatānāṃ dīkṣamāṇā anuniṣīdanty ādityam anūttiṣṭhantīti // (2) Par.?
tasmād dīkṣitān sata āhur āsata iti yady api te śayīrann athottiṣṭheyuḥ // (3) Par.?
agnir hi devānām āsīnānāṃ śreṣṭhaḥ // (4) Par.?
agnidevatyā hi tarhi bhavanti // (5) Par.?
tasmād utthitān sata āhur udasthur iti yady api ta āsīrann atho śayīran // (6) Par.?
ādityo hi devānām utthitānāṃ śreṣṭhaḥ // (7) Par.?
ādityadevatyā hi tarhi bhavanti // (8) Par.?
tad āhuḥ ke bhūtvottiṣṭhantīti // (9) Par.?
sa brūyān manuṣyā bhūtā dīkṣante devā bhūtvottiṣṭhantīti // (10) Par.?
ta etad ṛgretasaṃ yajūretasaṃ brahmaṇi yonau reto dadhato yanti // (11) Par.?
agnāv eva tad āhutībhir abhijuhvato yanti // (12) Par.?
tasmād dīkṣopasatsu vīva glāyanti // (13) Par.?
taruṇam iva tarhi reto bhavati // (14) Par.?
tasmād u strī durhṛdinī vīva glāyati // (15) Par.?
taruṇam iva hi tarhi reto bhavati // (16) Par.?
tān stutiśastrais trir vardhayanto 'bhiśṛṇvanto yanti // (17) Par.?
tasmād garbhā anaśnataḥ sambhavanti // (18) Par.?
Duration=0.069273948669434 secs.