Texts

dhānyatvena śamīdhānyavarge'bhidhātavye pradhānatvānmudgo nirucyate // (1) Par.?

sūpyaṃ sūpayogyaṃ śamīdhānyaṃ tatrottamaḥ sūpyottamaḥ // (2) Par.?

vṛṣya ityādimāṣaguṇe snigdhoṣṇamadhuratvādiguṇayogādeva vātaharatve labdhe punastadabhidhānaṃ viśeṣavātahantṛtvapratipādanārtham evamanyatrāpyevaṃjātīye vyākhyeyam // (3) Par.?

puṃstvaṃ śukram // (4) Par.?

śīghramiti vacanena śukrasrutikaratvalakṣaṇamapi vṛṣyatvaṃ māṣasya darśayati śukrasrutikaraṃ ca vṛṣyaśabdenocyata eva vacanaṃ hi śukrasrutikaraṃ kiṃcit kiṃcit śukravivardhanam // (5) Par.?

srutivṛddhikaraṃ kiṃcittrividhaṃ vṛṣyamucyate iti tadevaṃ sampūrṇavṛṣyatvaṃ māṣe boddhavyam // (6) Par.?

rājamāṣaguṇakathane tatsvāduriti māṣavatsvāduḥ kiṃvā rūkṣaścetyādi pāṭhāntaram // (7) Par.?

uṣṇa ityādinā kulatthaguṇaḥ kulatthaśca śuklakṛṣṇacitralohitabhedena caturvidho bhavati tathā grāmyavanyabhedena ca dvividho'pi ata eva tantrāntare vanyaḥ kulatthastadvacca viśeṣān netraroganut ityuktam // (8) Par.?

makuṣṭako moṭha iti khyātaḥ // (9) Par.?

caṇakaḥ prasiddhaḥ // (10) Par.?

khaṇḍikā tripuṭakalāyaḥ hareṇuḥ vartulakalāyaḥ // (11) Par.?

kalāyo vātala iti tripuṭakalāyaḥ // (12) Par.?

tilaguṇo yadyapi viśeṣeṇa noktaḥ tathāpi pradhāne kṛṣṇatile jñeyaḥ uktaṃ hi suśrute tileṣu sarveṣvasitaḥ pradhāno madhyaḥ sito hīnatarās tato'nye iti // (13) Par.?

vividhāḥ śimbījātaya iti kṛṣṇapītaraktaśvetakuśimbībhedā ityarthaḥ / (14.1) Par.?

śimbī rūkṣā ityādi kecit paṭhanti // (14.2) Par.?

āḍhakī tuvarī vātaleti chedaḥ // (15) Par.?

kaphavātanud avalgujaiḍagajayor bījasya guṇaḥ // (16) Par.?

niṣpāvo vallaḥ // (17) Par.?

kākāṇḍaḥ śūkaraśimbiḥ umā atasī ūrṇāṃpāṭhapakṣe tasyaivorṇā // (18) Par.?

śamīdhānyavarga ityatra śamī śimbiḥ tadantargataṃ dhānyam // (19) Par.?