Texts

Help

Select a text:
Bibliography
Select a chapter:
 1 revision
Associated topic(s): Soma sacrifice, penance, prāyaścitta, prāyaścitta

Show parallels  Show headlines
Use dependency labeler
Chapter id: 13128
  • Click on a sentence to show its analysis
  • Keep the mouse pointer over a lemma to show its meanings.
yadi kalaśo dīryeta vaṣaṭkāraṇidhanaṃ brahmasāma kuryāt // (1) Par.?
avaṣaṭkṛto vā etasya somaḥ parāsicyate yasya kalaśo dīryate yad vaṣaṭkāraṇidhanaṃ brahmasāma bhavati vaṣaṭkṛta evāsya somo bhavati // (2) Par.?
vidhuṃ dadrāṇaṃ samane bahūnām ity etāsu kāryam // (3) Par.?
eṣa hi bahūnāṃ samane dīryate yat kalaśaḥ // (4) Par.?
tad āhur na vā ārtyārtir anūdyārtyā vā eṣa ārtim anuvadati yaḥ kalaśe dīrṇe dadrāṇavatīṣu karotīti // (5) Par.?
śrāyantīyam eva kāryam // (6) Par.?
prajāpatiḥ prajā asṛjata sa dugdho riricāno 'manyata sa etacchrāyantīyam apaśyat tenātmānaṃ samaśrīṇāt prajayā paśubhir indriyeṇa // (7) Par.?
dugdha iva eṣa riricāno yasya kalaśo dīryate yacchrāyantīyaṃ brahmasāma bhavati punar evātmānaṃ saṃśrīṇāti prajayā paśubhir indriyeṇa // (8) Par.?
yadi śrāyantīyaṃ brahmasāma syād vaiṣṇavīṣv anuṣṭupsu vaṣaṭkāraṇidhanaṃ kuryāt // (9) Par.?
yad vai yajñasya sravati vācaṃ pratisravati vāg anuṣṭup yajño viṣṇur vācaiva yajñasya chidram apidadhāti // (10) Par.?
yad vai yajñasya sravaty antataḥ sravati vāravantīyam agniṣṭomasāma kāryaṃ yajñasyaiva chidraṃ vārayate // (11) Par.?
Duration=0.031688928604126 secs.