Texts

Help

Select a text:
Bibliography

Select a chapter:
1 revision

Associated topic(s): midday pavamāna, twelve-day Soma rite, dvādaśāha

Show parallels Show headlines
Use dependency labeler

Chapter id: 13295

Click on a sentence to show its analysis
Keep the mouse pointer over a lemma to show its meanings.

vṛṣā pavasva dhārayeti gāyatrī bhavaty ahno dhṛtyai // (1) Par.?

vṛṣaṇvatyas triṣṭubho rūpeṇa traiṣṭubhaṃ hy etad ahaḥ // (2) Par.?

punānas soma dhārayeti dhṛtyai // (3) Par.?

vṛṣā śoṇo abhikanikradad gā iti // (4) Par.?

vṛṣaṇvatyas triṣṭubho rūpeṇa samṛddhā vṛṣaṇvad vā etad aindraṃ traiṣṭubham ahar yat dvitīyaṃ tad eva tad abhivadati // (5) Par.?

gāyatraṃ bhavati yad eva gāyatrasya brāhmaṇam // (6) Par.?

yauktāśvaṃ bhavati // (7) Par.?

yuktāśvo vā āṅgirasaḥ śiśū jātau viparyaharat tasmān mantro 'pākrāmat sa tapo 'tapyata sa etad yauktāśvam apaśyat taṃ mantra upāvartata tad vāva sa tarhy akāmayata kāmasani sāma yauktāśvaṃ kāmam evaitenāvarunddhe // (8) Par.?

āyāsye bhavataḥ // (9) Par.?

ayāsyo vā āṅgirasa ādityānāṃ dīkṣitānām annādyam āśnāt taṃ śug ārchat sa tapo 'tapyata sa ete āyāsye apaśyat tābhyāṃ śucam apāhatāpa śucaṃ hata āyāsyābhyāṃ tuṣṭuvānaḥ // (10) Par.?

ebhyo vai lokebhyo vṛṣṭir apākrāmat tām ayāsya āyāsyābhyām acyāvayat cyāvayati vṛṣṭim āyāsyābhyāṃ tuṣṭuvānaḥ // (11) Par.?

annādyaṃ vāva tad ebhyo lokebhyo 'pākrāmat tad ayāsya āyāsyābhyām acyāvayat cyāvayaty annādyam āyāsyābhyāṃ tuṣṭuvānaḥ // (12) Par.?

vāsiṣṭhaṃ bhavati // (13) Par.?

vasiṣṭho vā etena vaiḍavaḥ stutvāñjasā svargaṃ lokam apaśyat svargasya lokasyānukhyātyai svargāl lokān na cyavate tuṣṭuvānaḥ stomaḥ // (14) Par.?

Duration=0.090925931930542 secs.