Texts

Help

Select a text:
Bibliography

Select a chapter:
(no revisions)

Associated topic(s): navayajña, sacrifice of the first fruits, pṛṣātaka

Show parallels Show headlines
Use dependency labeler

Chapter id: 13518

Click on a sentence to show its analysis
Keep the mouse pointer over a lemma to show its meanings.

pṛṣātaka

āśvayujyāṃ paurṇamāsyāṃ pṛṣātake pāyasaś carū raudraḥ // (1) Par.?

tasya juhuyād ā no mitrāvaruṇeti prathamāṃ mā nas toka iti dvitīyām // (2) Par.?

gonāmabhiś ca pṛthak kāmyāsīty etatprabhṛtibhiḥ // (3) Par.?

sthālīpākāvṛtānyat // (4) Par.?

pṛṣātakaṃ pradakṣiṇam agniṃ paryāṇīya brāhmaṇān avekṣayitvā svayam avekṣeta tac cakṣur devahitaṃ purastācchukram uccarat paśyema śaradaḥ śataṃ jīvema śaradaḥ śatam iti // (5) Par.?

brāhmaṇān bhojayitvā svayaṃ bhuktvā jātuṣān maṇīn sarvauṣadhimiśrān ābadhnīran svastyayanārtham // (6) Par.?

sāyaṃ gāḥ pṛṣātakaṃ prāśayitvā sahavatsā vāsayeta // (7) Par.?

svasti hāsāṃ bhavati // (8) Par.?

navayajña

navayajñe pāyasaś carur aindrāgnaḥ // (9) Par.?

tasya mukhyāṃ havirāhutiṃ hutvā catasṛbhir ājyāhutibhir abhijuhoti śatāyudhāyetyetatprabhṛtibhiḥ // (10) Par.?

sthālīpākāvṛtānyat // (11) Par.?

havirucchiṣṭaśeṣaṃ prāśayed yāvanta upetāḥ syuḥ // (12) Par.?

sakṛd apām upastīrya dviś caror avadyati // (13) Par.?

trir bhṛgūṇām // (14) Par.?

apāṃ caivopariṣṭāt // (15) Par.?

asaṃsvādaṃ nigired bhadrān naḥ śreya iti // (16) Par.?

evaṃ triḥ // (17) Par.?

tūṣṇīṃ caturtham // (18) Par.?

bhūya evāvadāya // (19) Par.?

kāmaṃ tatra saṃsvādayeran // (20) Par.?

ācāntodakāḥ pratyabhimṛśeran mukhaṃ śiro 'ṅgānīty anulomam amo 'sīti // (21) Par.?

etayaivāvṛtā śyāmākayavānām // (22) Par.?

agniḥ prāśnātu prathama iti śyāmākānām // (23) Par.?

etam u tyaṃ madhunā saṃyutaṃ yavam iti yavānām // (24) Par.?

Duration=0.090699911117554 secs.