Texts

Help

Select a text:
Bibliography

Select a chapter:
(no revisions)

Associated topic(s): Teacher (guru) and pupil (śiṣya), ācārya

Show parallels Show headlines
Use dependency labeler

Chapter id: 14790

Click on a sentence to show its analysis
Keep the mouse pointer over a lemma to show its meanings.

sarvavidyānām apy upaniṣadām upākṛtyānadhyayanaṃ tad ahaḥ // (1) Par.?

adhītya cāvikramaṇaṃ sadyaḥ // (2) Par.?

yadi tvareta guroḥ samīkṣāyāṃ svādhyāyam adhītya kāmaṃ gacchet / (3.1) Par.?

evam ubhayoḥ śivaṃ bhavati // (3.2) Par.?

Conduct towards the teacher

samāvṛttaṃ ced ācāryo 'bhyāgacchet tam abhimukho 'bhyāgamya tasyopasaṃgṛhya na bībhatsamāna udakam upaspṛśet puraskṛtyopasthāpya yathopadeśaṃ pūjayet // (4) Par.?

āsane śayane bhakṣye bhojye vāsasi vā saṃnihite nihīnataravṛttiḥ syāt // (5) Par.?

tiṣṭhan savyena pāṇinānugṛhyācāryam ācamayet // (6) Par.?

anyaṃ vā samudetam // (7) Par.?

sthānāsanacaṅkramaṇasmiteṣv anucikīrṣan // (8) Par.?

saṃnihite mūtrapurīṣavātakarmoccairbhāṣāhāsaṣṭhevanadantaskavananiḥśṛṅkhaṇabhrukṣepaṇatālananiṣṭhyānīti // (9) Par.?

dāre prajāyāṃ copasparśanabhāṣā visrambhapūrvāḥ parivarjayet // (10) Par.?

vākyena vākyasya pratīghātam ācāryasya varjayet // (11) Par.?

śreyasāṃ ca // (12) Par.?

sarvabhūtaparīvādākrośāṃś ca // (13) Par.?

vidyayā ca vidyānām // (14) Par.?

yayā vidyayā na viroceta punar ācāryam upetya niyamena sādhayet // (15) Par.?

Rules for a teacher

upākaraṇād otsarjanād adhyāpayitur niyamaḥ / (16.1) Par.?

lomasaṃharaṇaṃ māṃsaṃ śrāddhaṃ maithunam iti ca varjayet // (16.2) Par.?

ṛtve vā jāyām // (17) Par.?

yathāgamaṃ śiṣyebhyo vidyāsaṃpradāne niyameṣu ca yuktaḥ syāt / (18.1) Par.?

evaṃ vartamānaḥ pūrvāparān saṃbandhān ātmānaṃ ca kṣeme yunakti // (18.2) Par.?

manasā vācā prāṇena cakṣuṣā śrotreṇa tvakśiśnodarārambhaṇān āsrāvān parivṛñjāno 'mṛtatvāya kalpate // (19) Par.?

Duration=0.27777886390686 secs.