Texts

Help

Select a text:
Bibliography

Select a chapter:
1 revision

Associated topic(s): sacrificial fire

Show parallels Show headlines
Use dependency labeler

Chapter id: 14999

Click on a sentence to show its analysis
Keep the mouse pointer over a lemma to show its meanings.

the place for the house fire (agnyāyatana)

athāgnyāyatanam // (1) Par.?

prākpravaṇe vottarapravaṇe vā śuddhe deśe gomayenopalipte śuddhābhiḥ sikatābhiḥ prākpaścimaṃ dakṣiṇottaraṃ ca dvātriṃśadaṅgulyāyataṃ dvyaṅgulonnataṃ yathālābhonnataṃ vā sthaṇḍilamagnyāyatanaṃ bhavati // (2) Par.?

paristaraṇabarhiṣaḥ pratidik pañcadaśa sthaṇḍilapramāṇāḥ kuṇḍe ṣaṭtriṃśadaṅgulāstathaikāṅgulipariṇāhā vraṇavakrahīnāḥ paridhayaḥ // (3) Par.?

pañcadaśadarbhairgrathitaṃ caturaṅgulāgraṃ dvyaṅgulagranthi hastamātraṃ prokṣaṇakūrcam // (4) Par.?

tathaiva dvādaśāṅgulamātraṃ pavitram // (5) Par.?

tatpramāṇā yājñikāḥ samidhaḥ pātrasruvādayo yajñe proktāḥ // (6) Par.?

darbheṣu dvaṃdvaṃ pātrādisambhārānuttare daivike pratyekaṃ dakṣiṇataḥ paitṛke saṃbharati // (7) Par.?

nityahome 'gniśālāyāṃ mṛdā caturdiśaṃ dvātriṃśadaṅgulyāyatāṃ caturaṅgulavistārāṃ dvyaṅgulonnatām ūrdhvavediṃ caturaṅgulivistāronnatāṃ tatparigatām adhovediṃ ca madhye nimnaṃ ṣaḍaṅgulam agnikuṇḍaṃ kṛtvāsmin gṛhastho 'gnimaupāsanamādhāya nityaṃ juhoti // (8) Par.?

vanasthasya śrāmaṇakāgneḥ kuṇḍam ādhānaviśeṣaṃ ca dharme vakṣyāmaḥ // (9) Par.?

Duration=0.027579069137573 secs.