Texts

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 15044

Click on a sentence to show its analysis
Keep the mouse pointer over a lemma to show its meanings.

vasūnāṃ pavitram asi śatadhāram iti kumbhyāṃ śākhāpavitraṃ prāgagraṃ sāyam adhinidadhāti vasūnāṃ pavitram asi sahasradhāram ity udīcīnāgraṃ prātaḥ // (1) Par.?

kumbhīm anvārabhya vācaṃyamaḥ pavitraṃ dhārayann āste // (2) Par.?

upasṛṣṭāṃ me prabrūtād iti saṃpreṣyati // (3) Par.?

upasṛjāmīty āmantryādityai rāsnāsīty abhidhānīm ādatte // (4) Par.?

pūṣāsīti vatsamupasṛjati // (5) Par.?

vihāraṃ gāṃ copasṛṣṭām antareṇa mā saṃcāriṣṭeti saṃpreṣyati // (6) Par.?

yady antareṇa saṃcaret sāṃnāyyaṃ mā vilopīti japet // (7) Par.?

yakṣmā vaḥ prajayā saṃsṛjāmīty abhimantrayate // (8) Par.?

ūrjaṃ paya iti dogdhopasīdati // (9) Par.?

dyauś cemam iti duhyamānām anumantrayata utsaṃ duhanti kalaśam iti dhārāghoṣaṃ hutaḥ stoko huto drapsa iti // (10) Par.?

vipruṣaḥ svāhā dyāvāpṛthivībhyām iti skannān // (11) Par.?

kāmadhukṣa iti payaḥ pratyāharantaṃ dogdhāraṃ pṛcchati // (12) Par.?

amūṃ yasyām iti dogdhā pratyāha // (13) Par.?

sā viśvāyur iti gām adhvaryur upastauti // (14) Par.?

devas tvā saviteti payaḥ kumbhyām ānayati // (15) Par.?

kāmadhukṣa ity āha tṛtīyasyā ity uktam // (16) Par.?

sā viśvavyacā iti dvitīyāṃ sā viśvakarmeti tṛtīyām upastauti // (17) Par.?

evaṃ tisro dohayitvā bahu dogdhīndrāya devebhya iti triḥ saṃpreṣyati // (18) Par.?

indrayājina indram upalakṣayen mahendrayājino mahendram // (19) Par.?

visṛṣṭavāg ananvārabhya tūṣṇīm uttarā dohayati // (20) Par.?

Duration=0.13114714622498 secs.