Texts

teṣāṃ cedenāṃstrayāṇāṃ kiṃcid eyād gṛhapatāvupahavam iccheran // (1) Par.?

taṃ ced udgātari // (2) Par.?

eṣa vai yajamānasya prajāpatir yad udgāteti hyāha // (3) Par.?

dīkṣānupūrvyeṇa vā sarveṣu // (4) Par.?

parihṛtāsu vasatīvarīṣu saṃviśeyuḥ // (5) Par.?

teṣāṃ cet kaścit preyād atīrthena nirhṛtyāhāryeṇānāhitāgniṃ daheyuḥ patnīṃ caivam // (6) Par.?

araṇyor agnīn samāropyate āpnānena nirhṛtya nirmanthyenāhitāgnim // (7) Par.?

madhyamasya rātriparyāyasya daivodāsaṃ hotṛṣāma syād aurdhvasadmanaṃ vā // (8) Par.?

abhiplavasya dvitīye 'hani bhargo yaśa iti prāg viṣuvato vyatyāsaṃ syātāmiti gautamaḥ // (9) Par.?

ūrdhvaṃ ca triṣvabhiplaveṣu // (10) Par.?

yaśo bharga iti pareṣu // (11) Par.?

sakṛd dvir vā yaśaḥ purastāt tathopariṣṭād bharga itareṣvaparam // (12) Par.?

bhargaḥ pūrvasmin pakṣasi yaśa uttarasminn ity aparam // (13) Par.?

etābhyāmukte vīṅkaśuddhāśuddhīye // (14) Par.?

viṣuvata ūrdhvaṃ vīṅkameva syāditi dhānaṃjayyaḥ // (15) Par.?

pañcame 'hani yad ahar grāmegeyaṃ santani syānmānavātpūrvaṃ vāmraṃ syāt // (16) Par.?

iṣovṛdhīyasamante pṛṣṭhyānantarye ṣaṣṭhe // (17) Par.?

pūrvasmin pakṣasi triṣu caturtho 'bhiplavo lupyeta // (18) Par.?

eta evāvṛttā ūrdhvaṃ viṣuvato 'bhiplavāḥ // (19) Par.?

teṣāṃ pratilomam ahānyupeyuḥ // (20) Par.?

pṛṣṭhyasvarasāmnāṃ ca // (21) Par.?

daśarātrasamīpe triṣu caturṇām āvṛttānāṃ prathamo lupyeteti dhānaṃjayyaḥ // (22) Par.?

uttama iṣovṛdhīyasamante syātāmiti // (23) Par.?

viparītam etacchāṇḍilyāyanasya // (24) Par.?

viṣuvatsamīpe ca triṣu // (25) Par.?

abhāva iṣovṛdhīyasamantayoḥ // (26) Par.?

bhāvastvācāryāṇāṃ bhāvastvācāryāṇām // (27) Par.?