Texts

Select a text:
Bibliography

Select a chapter:
(no revisions)

Associated topic(s): mahāvrata, niṣkevalya śastra

Show parallels Show headlines
Use dependency labeler

Chapter id: 15200

Click on a sentence to show its analysis
Keep the mouse pointer over a lemma to show its meanings.

prastotāraṃ saṃśāsti pañcaviṃśasya stomasya tisṛṣv ardhatṛtīyāsv ardhatrayodaśāsu vā pariśiṣṭāsu prathamaṃ pratihāraṃ prabrūtād iti // (1) Par.?

ardhatrayodaśāsu pravācayateti jātūkarṇyaḥ // (2) Par.?

prokte japati suparṇo 'si garutmān premāṃ vācaṃ vadiṣyāmi bahu vadiṣyantīṃ bahu patiṣyantīṃ bahu kariṣyantīṃ bahu saniṣyantīṃ bahor bhūyaḥ kariṣyantīṃ svar gacchantīṃ svar vadiṣyantīṃ svaḥ patiṣyantīṃ svaḥ kariṣyantīṃ svaḥ saniṣyantīṃ svar imaṃ yajñaṃ vakṣyantīṃ svar māṃ yajamānaṃ vakṣyantīm iti // (3) Par.?

dīkṣite yajamānaśabdo nādīkṣite // (4) Par.?

svar amum iti yo 'sya priyaḥ syān na tu vakṣyantīm iti brūyāt // (5) Par.?

ukthavīryāṇi ca // (6) Par.?

saṃ prāṇo vācā sam ahaṃ vācā saṃ cakṣur manasā sam ahaṃ manasā saṃ śrotram ātmanā sam aham ātmanā mayi mahān mayi bhargo mayi bhago mayi bhujo mayi stobho mayi stomo mayi śloko mayi ghoṣo mayi yaśo mayi śrīr mayi kīrtir mayi bhuktir iti // (7) Par.?

āhūya vāg iti japati // (8) Par.?

traya āhāvāḥ śastrāder nividaḥ paridhānīyāyā iti // (9) Par.?

śabdān adhvaryavaḥ kārayanti // (10) Par.?

etasminn ahani prabhūtam annaṃ dadyāt // (11) Par.?

rājaputreṇa carma vyādhayanty āghnanti bhūmidundubhiṃ patnyaś ca kāṇḍavīṇā bhūtānāṃ ca maithunaṃ brahmacāripuṃścalyoḥ saṃpravādo 'nekena sāmnā niṣkevalyāya stuvate rājanastotriyeṇa pratipadyate // (12) Par.?

Duration=0.056509971618652 secs.