Texts

Help

Select a text:
Bibliography
Select a chapter:
 (no revisions)
Associated topic(s): āśrama

Show parallels  Show headlines
Use dependency labeler
Chapter id: 15322
  • Click on a sentence to show its analysis
  • Keep the mouse pointer over a lemma to show its meanings.
catvāra āśramāḥ // (1) Par.?
brahmacārigṛhasthavānaprasthaparivrājakāḥ // (2) Par.?
teṣāṃ vedam adhītya vedau vedān vāviśīrṇabrahmacaryo yam icchet tam āvaset // (3) Par.?
brahmacāry ācāryaṃ paricared ā śarīravimokṣaṇāt // (4) Par.?
ācārye ca prete 'gniṃ paricaret // (5) Par.?
vijñāyate hy agnir ācāryas taveti // (6) Par.?
saṃyatavāk // (7) Par.?
caturthaṣaṣṭhāṣṭamakālabhojī // (8) Par.?
bhaikṣam ācaret // (9) Par.?
gurvadhīnaḥ // (10) Par.?
jaṭilaḥ śikhājaṭo vā // (11) Par.?
guruṃ gacchantam anugacched āsīnaś cet tiṣṭhecchayānaś ced āsīna upāsīta // (12) Par.?
āhūtādhyāyī // (13) Par.?
sarvaṃ labdhaṃ nivedya tadanujñayā bhuñjīta // (14) Par.?
khaṭvāśayanadantadhāvanaprakṣālanāñjanābhyañjanopānacchatravarjī // (15) Par.?
tiṣṭhed ahani rātrāv āsīta // (16) Par.?
trir ahno 'bhyupeyād apa ity apa iti // (17) Par.?
Duration=0.050144910812378 secs.