Texts

Help

Select a text:
Bibliography
Select a chapter:
 (no revisions)
Associated topic(s): midday pavamāna, midday sacrifice, mādhyandina, mādhyaṃdinasavana

Show parallels  Show headlines
Use dependency labeler
Chapter id: 15454
  • Click on a sentence to show its analysis
  • Keep the mouse pointer over a lemma to show its meanings.
athāmahīyavam // (1) Par.?
prajāpatiḥ prajā asṛjata // (2) Par.?
tā anaśanā asṛjata // (3) Par.?
tā aśanāyantīr anyānyām ādan // (4) Par.?
sa prajāpatir aikṣata kathaṃ nu ma imāḥ prajā nāśanāyeyur iti // (5) Par.?
sa etat sāmāpaśyat // (6) Par.?
tenābhyo 'nnādyaṃ prāyacchad varṣam evāpanidhanena // (7) Par.?
tābhyo 'varṣad eva nodagṛhṇāt // (8) Par.?
sa etan nidhanam apaśyat // (9) Par.?
tad upait // (10) Par.?
tata ābhya udagṛhṇāt // (11) Par.?
etasya ha vā idaṃ sāmnaḥ krator varṣati ca parjanya uc ca gṛhṇāti // (12) Par.?
sa yo vṛṣṭikāmaḥ syād etenaivāpanidhanena stuvīta // (13) Par.?
varṣuko hāsmai parjanyo bhavati // (14) Par.?
sa yady atīva varṣed etad eva nidhanam upeyāt // (15) Par.?
ud ahāsmai gṛhṇāti // (16) Par.?
varṣati ca hāsmai parjanya uc ca gṛhṇāti ya evaṃ veda // (17) Par.?
tā yad enaṃ prajāḥ suhitā āśitā āmahīyanta tad āmahīyavasyāmahīyavatvam // (18) Par.?
ainaṃ bhāryāḥ suhitāḥ suhitaṃ mahīyante ya evaṃ veda // (19) Par.?
tā enam annaṃ vividānā nāpācāyan // (20) Par.?
sadhamādam ivaivāsan // (21) Par.?
annaṃ hi śrīḥ // (22) Par.?
so 'śocat // (23) Par.?
sa nāmahīyata // (24) Par.?
sa aikṣata kathaṃ nv imā ahaṃ prajāḥ sṛjeya tā mā sṛṣṭā nāpacāyeyur iti // (25) Par.?
sa etat sāmāpaśyat // (26) Par.?
tenāstuta // (27) Par.?
Duration=0.080098867416382 secs.