Texts

athāsmā āsanam āharanti // (1) Par.?

tasminn upaviśati // (2) Par.?

ahe daidhiṣavyod atas tiṣṭhānyasya sadane sīda yo 'smat pākataras tasya sadane sīda nirastaḥ parāvasur iti tṛṇaṃ nirasyati yat pratiśuṣkāgraṃ bhavati yad vā praticchinnāgram // (3) Par.?

apa upaspṛśya ā vasoḥ sadane sīdāmīti sīdati // (4) Par.?

athāsmā udakam āharanti // (5) Par.?

tat pratigṛhṇāti mayi varco atho bhagam atho yajñasya yat payaḥ parameṣṭhī prajāpatir divi dyām iva dṛṃhatv iti // (6) Par.?

athāsmai madhv āharanti // (7) Par.?

tat prāśnāti catasṛbhir aṅgulībhiḥ sāṅguṣṭhābhiḥ // (8) Par.?

triḥ prāśnāti madhv asi madhavyo bhūyāsam iti // (9) Par.?

athāsmai vāsasī āharanti // (10) Par.?

śriyai rūpam iti // (11) Par.?

te paridhatte śrīrasi śrīmān bhūyāsam iti // (12) Par.?

pravartau srajo 'laṃkaraṇam ity asmā āharanti // (13) Par.?

alaṃkṛtam enaṃ vṛṇīte parjanyo ma udgātā sa ma udgātā tvaṃ ma udgātā diśo me prastotṛpratihartārau subrahmaṇya iti // (14) Par.?

tam upāṃśu pratimantrayate // (15) Par.?

parjanyasya udgātā sa ta udgātāhaṃ ta udgātā diśas te prastotṛpratihartārau subrahmaṇyaḥ karmaiva vayaṃ kariṣyāmaḥ // (16) Par.?

om ity uccaiḥ // (17) Par.?

athainaṃ devayajanaṃ yācati udgātar devayajanaṃ me dehīti // (18) Par.?

taṃ tathety upāṃśu pratimantrayate // (19) Par.?

om ity evoccaiḥ // (20) Par.?

athāsmā āvasatham upapannāya gām upāñjanti // (21) Par.?

tām upāṣṭāṃ hate pāpmānam eva taddhate // (22) Par.?

atha yadi gām utsṛjet tām etenaivotsṛjed gaur dhenur havyā mātā rudrāṇāṃ duhitā vasūnāṃ svasādityānām amṛtasya nābhiḥ // (23) Par.?

pra nu vocaṃ cikituṣe janāya mā gām anāgām aditiṃ vadhiṣṭa / (24.1) Par.?

pibatūdakaṃ tṛṇāny attu / (24.2) Par.?

om utsṛjateti // (24.3) Par.?