Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 15492
  • Click on a sentence to show its analysis
  • Keep the mouse pointer over a lemma to show its meanings.
yadā dhiṣṇyān nivapanty athājyasthālīṃ sasruvām ādāyottareṇāgnīdhraṃ ca sadaś ca parītyāparayā dvārā sadaḥ prapadyaudumbarīm anvārabhate // (1) Par.?
āyoṣṭvā sadane sādayāmy avataś chāyāyāṃ samudrasya hṛdaye // (2) Par.?
namaḥ samudrāya namaḥ samudrasya cakṣase // (3) Par.?
mā mā yonorvāṃ hāsīr iti // (4) Par.?
athainām ucchrayati ud divaṃ stabhānāntarikṣaṃ pṛṇa // (5) Par.?
pṛthivīm upareṇa dṛṃheti // (6) Par.?
athaināṃ minoti // (7) Par.?
dyutānas tvā māruto minotu mitrāvaruṇayor dhruveṇa dharmaṇeti // (8) Par.?
athainām ājyenābhijuhoti // (9) Par.?
agrād upakramyāmūlāt saṃtanvann iva ghṛtena dyāvāpṛthivī āprīṇīthāṃ supippalā oṣadhīḥ kṛdhi svāheti // (10) Par.?
athaināṃ triḥ prasalī purīṣeṇa paryūhati // (11) Par.?
brahmavaniṃ tvā kṣatravaniṃ suprajāvaniṃ rāyaspoṣavaniṃ paryūhāmīti // (12) Par.?
athaināṃ dīkṣitadaṇḍena dṛṃhati // (13) Par.?
brahma dṛṃha kṣatraṃ dṛṃha prajāṃ dṛṃha rayiṃ dṛṃha rāyaspoṣaṃ dṛṃha sajātān yajamānāya dṛṃheti // (14) Par.?
athainām ūrdhvāgrais tṛṇaiḥ pradakṣiṇaṃ pariveṣṭayati // (15) Par.?
athaināṃ vāsasā paridadhāty anagnatvāya // (16) Par.?
athaināṃ hastābhyāṃ parigṛhṇāti // (17) Par.?
mayy ūrjam annādyaṃ dhehīti // (18) Par.?
evam eva stotre stotre parigṛhṇāti // (19) Par.?
Duration=0.047615051269531 secs.