Texts

śyāmākān bubhukṣamāṇaḥ purāṇānāṃ vrīhīṇām āgneyam aṣṭākapālaṃ nirvapet saumyaṃ ca śyāmākaṃ carum // (1.1) Par.?

babhruḥ piśaṅgo dakṣiṇā vasanaṃ vā // (2.1) Par.?

vrīhīṇām agrapākasya yajate yavānāṃ ca // (3.1) Par.?

nāniṣṭvāgrāyaṇena navasyāśnīta // (4.1) Par.?

aindrāgnam ekādaśakapālaṃ nirvaped āgnendraṃ vā // (5.1) Par.?

vaiśvadevaḥ payasi caruḥ śyāmākaś caruḥ / (6.1) Par.?

na yavāgrāyaṇe / (6.2) Par.?

dyāvāpṛthivīya ekakapāla iti havīṃṣi // (6.3) Par.?

purastāt sviṣṭakṛto 'jyānīr juhoti / (7.1) Par.?

śatāyudhāya śatavīryāya śatotaye 'bhimātiṣāhe / (7.2) Par.?

śataṃ yo naḥ śarado 'nayad indro duritasya pāraṃ svāhā / (7.3) Par.?

ye catvāraḥ pathayo devayānā antarā dyāvāpṛthivī viyanti / (7.4) Par.?

teṣām ajyānīṃ yatamo na āvahat tasmai no devāḥ paridatta sarve svāhā / (7.5) Par.?

vasanto grīṣmo madhumanti varṣāḥ śaraddhemantaḥ suvite dadhāta naḥ / (7.6) Par.?

teṣāṃ vayaṃ sumatau yajñiyānāṃ jyog ajītā ahatāḥ syāma svāhā / (7.7) Par.?

svasti saṃvatsarāya parivatsarāyedāvatsarāyodvatsarāya kṛṇutā bṛhan namaḥ / (7.8) Par.?

teṣāṃ vayaṃ sumatau yajñiyānāṃ nivāta eṣām abhaye syāma svāhā / (7.9) Par.?

iyaṃ svasti saṃvatsarīyā parivatsarīyedāvatsarīyodvatsarīyā / (7.10) Par.?

sā naḥ pipartv ahṛṇīyamānenāhedahāram aśīya svāhā / (7.11) Par.?

iti / (7.12) Par.?

ā naḥ prajāṃ janayatv iti ṣaṣṭhī // (7.13) Par.?

iḍāṃ bhakṣayati / (8.1) Par.?

bhadrān naḥ śreyaḥ samanaiṣṭa devās tvayāvasena samaśīmahi tvā / (8.2) Par.?

sa no mayobhūḥ pitur āviveśa śivas tokāya tanvo na edhi / (8.3) Par.?

iti vrīhīṇām / (8.4) Par.?

agniḥ prāśnātu prathamaḥ sa hi veda yathā haviḥ / (8.5) Par.?

śivā asmabhyam oṣadhīḥ kṛṇotu viśvacarṣaṇiḥ / (8.6) Par.?

iti śyāmākānām / (8.7) Par.?

etam u tyaṃ madhunā saṃyutaṃ yavaṃ sarasvatyā adhi manāv acakṛṣuḥ / (8.8) Par.?

indra āsīt sīrapatiḥ śatakratuḥ kīnāśā āsan marutaḥ sudānavaḥ / (8.9) Par.?

iti yavānām // (8.10) Par.?

vatsaḥ prathamajo dakṣiṇā vatsaḥ prathamajo dakṣiṇā // (9.1) Par.?