Texts

Help

Select a text:
Bibliography

Select a chapter:
(no revisions)

Associated topic(s): agnicayana

Show parallels Show headlines
Use dependency labeler

Chapter id: 15772

Click on a sentence to show its analysis
Keep the mouse pointer over a lemma to show its meanings.

sāvitraṃ svargakāmaś cinvīta // (1.1) Par.?

paśubandhe cīyate // (2.1) Par.?

ceṣyamāṇa upakalpayate pañcāśītiśataṃ hiraṇyeṣṭakā yāvad uttamam aṅguliparu tāvatīḥ śarkarā vābhyaktāś catasraḥ svayamātṛṇṇā aparimitā lokaṃpṛṇāḥ // (3.1) Par.?

ṣaḍḍhotāram ity etadādi pāśukaṃ karma pratipadyate // (4.1) Par.?

veditṛtīye yajata iti vijñāyate // (5.1) Par.?

prāg uttarāt parigrāhāt kṛtvottaravedideśasya madhye śaṅkuṃ nihatya sarvataḥ parimaṇḍalaṃ rathacakramātraṃ sāvitraṃ parilikhya samūlaṃ haritaṃ darbhastambam āhṛtya madhye 'gner nikhāya juhvāṃ pañcagṛhītaṃ gṛhītvā sajūr abdo 'yāvabhir iti darbhastambe pañcāhutīr hutvoddhatyāvokṣya vyāghāraṇāntām uttaravediṃ kṛtvā lekhāyā abhyantaraṃ nava parimaṇḍalā lekhā likhitvā sikatābhir avakīrya darbhaiḥ pracchādya dadhnā madhumiśreṇa śarkarābhir iti bāhyāṃ lekhāṃ sampūrya vasati // (6.1) Par.?

hute prātar agnihotre prajāpatis tvā sādayatu tayā devatayāṅgirasvad dhruvā sīdety uttaravedim abhimṛśya mayi gṛhṇāmy agre agniṃ yo no agniḥ pitara iti dvābhyām ātmann agniṃ gṛhītvā yās te agne samidha iti svayaṃcityābhimṛśyāgner bhasmāsīti sikatā nivapati / (7.1) Par.?

saṃjñānam ity ūṣān // (7.2) Par.?

tān nivapan yad adaś candramasi kṛṣṇaṃ tad ihāstv iti manasā dhyāyati // (8.1) Par.?

saṃ yā vaḥ priyās tanuva ity ūṣān sikatāś ca saṃsṛjya cita stha paricita ity aparimitābhiḥ śarkarābhiḥ pariśrityāpyāyasva sametu ta iti sikatā vyūhati // (9.1) Par.?

na lekhāḥ saṃlobhayanti // (10.1) Par.?

abhyantaraṃ jaghanārdha udapātram upadadhāti vāk tvā samudra upadadhe suprajāvaniṃ rāyaspoṣavaniṃ mahyaṃ vājināyeti // (11.1) Par.?

Duration=0.081395864486694 secs.