Texts

yajñena vai devāḥ suvargaṃ lokam āyan // (1) Par.?

te 'manyanta manuṣyā no 'nvābhaviṣyantīti // (2) Par.?

te saṃvatsareṇa yopayitvā suvargaṃ lokam āyan // (3) Par.?

tam ṛṣaya ṛtugrahair evānuprājānan // (4) Par.?

yad ṛtugrahā gṛhyante suvargasya lokasya prajñātyai // (5) Par.?

dvādaśa gṛhyante // (6) Par.?

dvādaśa māsāḥ saṃvatsaraḥ saṃvatsarasya prajñātyai // (7) Par.?

saha prathamau gṛhyete sahottamau // (8) Par.?

tasmād dvau dvāv ṛtū // (9) Par.?

ubhayatomukham ṛtupātram bhavati // (10) Par.?

ko hi tad veda yata ṛtūnām mukham // (11) Par.?

ṛtunā preṣyeti ṣaṭ kṛtva āha // (12) Par.?

ṣaḍ vā ṛtavaḥ // (13) Par.?

ṛtūn eva prīṇāti // (14) Par.?

ṛtubhir iti catuḥ // (15) Par.?

catuṣpada eva paśūn prīṇāti // (16) Par.?

dviḥ punar ṛtunāha // (17) Par.?

dvipada eva prīṇāti // (18) Par.?

ṛtunā preṣyeti ṣaṭ kṛtva āha // (19) Par.?

ṛtubhir iti catuḥ // (20) Par.?

tasmāc catuṣpādaḥ paśava ṛtūn upajīvanti // (21) Par.?

dviḥ punar ṛtunāha // (22) Par.?

tasmād dvipādaś catuṣpadaḥ paśūn upajīvanti // (23) Par.?

ṛtunā preṣyeti ṣaṭ kṛtva āha // (24) Par.?

ṛtubhir iti catuḥ // (25) Par.?

dviḥ punar ṛtunāha // (26) Par.?

ākramaṇam eva tat // (27) Par.?

setuṃ yajamānaḥ kurute suvargasya lokasya samaṣṭyai // (28) Par.?

nānyo 'nyam anuprapadyeta // (29) Par.?

yad anyo 'nyam anuprapadyetartur ṛtum anuprapadyetartavo mohukāḥ syuḥ // (30) Par.?

prasiddham evādhvaryur dakṣiṇena prapadyate prasiddham pratiprasthātottareṇa // (31) Par.?

tasmād ādityaḥ ṣaṇ māso dakṣiṇenaiti ṣaḍ uttareṇa // (32) Par.?

upayāmagṛhīto 'si // (33) Par.?

saṃsarpo 'si // (34) Par.?

aṃhaspatyāya tvety āha // (35) Par.?

asti trayodaśo māsa ity āhuḥ // (36) Par.?

tam eva tat prīṇāti // (37) Par.?