Texts

Help

Select a text:
Bibliography
Select a chapter:
 (no revisions)
Associated topic(s): aṣṭakā

Show parallels  Show headlines
Use dependency labeler
Chapter id: 15786
  • Click on a sentence to show its analysis
  • Keep the mouse pointer over a lemma to show its meanings.
aṣṭakāṃ vyākhyāsyāmaḥ // (1.1) Par.?
upariṣṭān māghyāḥ prāk phālgunyā yo bahulas tasyāṣṭamī jyeṣṭhayā sampadyate // (2.1) Par.?
tām ekāṣṭakety ācakṣate // (3.1) Par.?
tasyāṃ saṃbhārān upakalpayate // (4) Par.?
gāṃ praśasyāṣṭakāpūpaṃ catuḥśarāvaṃ tūṣṇīṃ nirvapati // (5) Par.?
ṣaṭkapālo bhavaty ekakapālo vā // (6.1) Par.?
tasya dārvihomikaḥ saṃskāraḥ // (7.1) Par.?
tam aupāsane śrapayitvaupāsana eva juhoty ulūkhalā grāvāṇo ghoṣam akrata haviḥ kṛṇvantaḥ parivatsarīṇam / (8.1) Par.?
ekāṣṭake suprajā vīravanto vayaṃ syāmaḥ patayo rayīṇāṃ svadhā namaḥ pitṛbhyaḥ svāhā / (8.2) Par.?
ayaṃ catuḥśarāvo ghṛtavān apūpaḥ payasvān agne rayimān puṣṭimāṃś ca / (8.3) Par.?
pratigṛhṇantu pitaraḥ saṃvidānāḥ sviṣṭaḥ suhuto 'yaṃ mamāstu svadhā namaḥ pitṛbhyaḥ svāhā / (8.4) Par.?
vahāpūpaṃ jātavedaḥ pitṛbhyo yatrainān vettha nihitān parāke / (8.5) Par.?
apūpakulyā upa tān kṣarantu satyā eṣām āśiṣaḥ santu kāmaiḥ svadhā namaḥ pitṛbhyaḥ svāheti // (8.6) Par.?
purastāt sviṣṭakṛta etā āhutīr juhoti pūrṇā paścāt tvam agne ayāsi prajāpata iti tisraḥ // (9.1) Par.?
tataḥ sauviṣṭakṛtaṃ juhoty agnaye kavyavāhanāya sviṣṭakṛte svadhā namaḥ pitṛbhyaḥ svāheti // (10.1) Par.?
Duration=0.046947002410889 secs.