Texts

Help

Select a text:
Bibliography

Select a chapter:
(no revisions)

Associated topic(s): kāmyeṣṭi

Show parallels Show headlines
Use dependency labeler

Chapter id: 15849

Click on a sentence to show its analysis
Keep the mouse pointer over a lemma to show its meanings.

upahomakāle 'śvinoḥ prāṇo 'sīty etaiḥ pratimantraṃ catura upahomāñ juhoti // (1) Par.?

hutvā hutvā pravartam abhighārayati rāḍ asi virāḍ asi samrāḍ asi svarāḍ asīti // (2) Par.?

yat khādira ājyaṃ tad agreṇāhavanīyaṃ paryāhṛtya dakṣiṇasyāṃ vediśroṇyāṃ sādayati // (3) Par.?

tad yajamāno 'vekṣate ghṛtasya dhārām amṛtasya panthām iti // (4) Par.?

athāsya brahmā dakṣiṇaṃ hastaṃ gṛhṇāti // (5) Par.?

brahmaṇa itara ṛtvijo hastam anvārabhya yajamānaṃ paryāhuḥ pāvamānena tvā stomeneti // (6) Par.?

atha yajamāno hiraṇyād ghṛtaṃ niṣpibati // (7) Par.?

imam agna āyuṣe varcase kṛdhīti prāśnantam abhimantrayate // (8) Par.?

uddhṛtya hiraṇyaṃ prakṣālyāyuṣ ṭe viśvato dadhad iti yajamānāya prayacchati // (9) Par.?

tad yajamāna ācamya pratigṛhya pradakṣiṇaṃ dakṣiṇe karṇa ābadhnāty āyur asi viśvāyur asi sarvāyur asi sarvam āyur asi sarvaṃ ma āyur bhūyāt sarvam āyur geṣam iti // (10) Par.?

agnir āyuṣmān ity anuvākaśeṣeṇāsyādhvaryur dakṣiṇaṃ hastaṃ gṛhṇāti // (11) Par.?

siddham iṣṭiḥ saṃtiṣṭhate // (12) Par.?

Duration=0.033711194992065 secs.