Texts

Select a text:
Bibliography

Select a chapter:
(no revisions)

Associated topic(s): kāmyeṣṭi

Show parallels Show headlines
Use dependency labeler

Chapter id: 15854

Click on a sentence to show its analysis
Keep the mouse pointer over a lemma to show its meanings.

purovāto varṣann ity aṣṭau vātanāmāni hutvāntarvedi kṛṣṇājinaṃ prācīnagrīvam uttaralomāstīrya tasmin kharjūrasaktūn karīrasaktūn vā māndā vāśā iti kṛṣṇamadhuṣā saṃyutya tisraḥ piṇḍīḥ kṛtvā puṣkarapalāśaiḥ saṃveṣṭya samudyamya kṛṣṇājinasyāntān vṛṣṇo aśvasya saṃdānam asīti kṛṣṇena dāmnopanahyati // (1) Par.?

utkare prāgīṣaṃ trigadham ano 'vasthitaṃ bhavati // (2) Par.?

chadīṃṣīty arthaḥ // (3) Par.?

devā vasavyā iti pūrvasyāṃ gadhāyāṃ kṛṣṇājinam ābadhnīyāt // (4) Par.?

ahorātrāv āsaktaṃ bhavati // (5) Par.?

yadi varṣet piṇḍīr eva juhuyāt // (6) Par.?

yadi na varṣed devāḥ śarmaṇyā iti madhyamāyām ābadhnīyāt // (7) Par.?

ahorātrāv āsaktaṃ bhavati // (8) Par.?

yadi varṣet piṇḍīr eva juhuyāt // (9) Par.?

yadi na varṣed devāḥ sapītaya iti jaghanyāyām ābadhnīyāt // (10) Par.?

ahorātrāv āsaktaṃ bhavati // (11) Par.?

yadi varṣet piṇḍīr eva juhuyāt // (12) Par.?

yadi na varṣec chvo bhūte dhāmacchadādīni trīṇi havīṃṣi nirvapati kṛṣṇānāṃ vrīhīṇām // (13) Par.?

tāny āsādyotkare kṛṣṇājinam āsādayati // (14) Par.?

kṛṣṇoṣṇīṣāḥ kṛṣṇavasanā nivītā ṛtvijaḥ pracaranti // (15) Par.?

tvaṃ tyā cid acyuteti yājyānuvākyāḥ // (16) Par.?

upahomakāle divā cit tamaḥ kṛṇvantīty etaiḥ pratimantraṃ piṇḍīr ābadhnāti // (17) Par.?

juhotīty eke // (18) Par.?

athāsāṃ dhūmam anumantrayate // (19) Par.?

Duration=0.044175148010254 secs.