Texts

Help

Select a text:
Bibliography
Select a chapter:
 (no revisions)
Associated topic(s): death rites, funeral rites, aurdhvadehika, pitṛmedha

Show parallels  Show headlines
Use dependency labeler
Chapter id: 15941
  • Click on a sentence to show its analysis
  • Keep the mouse pointer over a lemma to show its meanings.
pitṝn nidhāsyan saṃbhārān saṃbharati // (1) Par.?
ekādaśa carūṃścakrakṛtān kārayati // (2) Par.?
śatātṛṇṇasahasrātṛṇṇau ca pāśīm ūṣam sikatāḥ śaṅkhaṃ śālūkaṃ sarvasurabhiśamīcūrṇakṛtaṃ śāntavṛkṣasya nāvaṃ tripādakam // (3) Par.?
dve niḥśīyamāne nīlalohite sūtre savyarajjuṃ śāntavṛkṣasya caturaḥ śaṅkūṃścaturaḥ paridhīn vāraṇaṃ śāmīlam audumbaraṃ pālāśaṃ vṛkṣasya śāntauṣadhīḥ // (4) Par.?
māghe nidadhyānmāghaṃ bhūd iti // (5) Par.?
śaradi nidadhyācchāmyatv agham iti // (6) Par.?
nidāghe nidadhyān nidahyatām agham iti // (7) Par.?
amāvāsyāyāṃ nidadhyād amā hi pitaro bhavanti // (8) Par.?
athāvasānam // (9) Par.?
tad yat samaṃ samūlam avidagdhaṃ pratiṣṭhitaṃ prāgudakpravaṇam // (10) Par.?
yatrākaṇṭakā vṛkṣāś cauṣadhayaś ca // (11) Par.?
unnataṃ svargakāmaś ca // (12) Par.?
śvo 'māvāsyeti gāṃ kārayate // (13) Par.?
tasyāḥ savyaṃ cāpaghanaṃ prapākaṃ ca nidhāya // (14) Par.?
bhikṣāṃ kārayati // (15) Par.?
grāme yāmasārasvatān homān hutvā // (16) Par.?
saṃprokṣaṇībhyāṃ kāmpīlaśākhayā niveśanam anucarya // (17) Par.?
prāgdakṣiṇaṃ śākhāṃ pravidhya sīreṇa karṣayitvā śākhābhiḥ parivārya // (18) Par.?
punar dehīti vṛkṣamūlād ādatte // (19) Par.?
yat te kṛṣṇa iti bhūmer vasane samopya sarvasurabhicūrṇair avakīryotthāpanībhir utthāpya hariṇībhir hareyuḥ // (20) Par.?
avidanto deśāt pāṃsūn // (21) Par.?
api vodakānte vasanam āstīryāsāv iti hvayet // (22) Par.?
tatra yo jantur nipatet tam utthāpanībhir utthāpya hariṇībhir hareyuḥ // (23) Par.?
api vā trīṇi ṣaṣṭiśatāni palāśatsarūṇām // (24) Par.?
grāme dakṣiṇodagdvāraṃ vimitaṃ darbhair āstārayati // (25) Par.?
uttaraṃ jīvasaṃcaro dakṣiṇaṃ pitṛsaṃcaraḥ // (26) Par.?
anastamita ā yātety āyāpayati // (27) Par.?
ācyā jānv ity upaveśayati // (28) Par.?
saṃ viśantv iti saṃveśayati // (29) Par.?
etad vaḥ pitaraḥ pātram iti trīṇy udakaṃsān ninayati // (30) Par.?
trīn snātānuliptān brāhmaṇān madhumanthaṃ pāyayati // (31) Par.?
brahmaṇe madhuparkam āhārayati // (32) Par.?
gāṃ vedayante // (33) Par.?
kurutety āha // (34) Par.?
tasyā dakṣiṇam ardhaṃ brāhmaṇān bhojayati savyaṃ pitṝn // (35) Par.?
Duration=0.14021587371826 secs.