Texts

atha vivāhaḥ // (1) Par.?

ūrdhvaṃ kārttikyā ā vaiśākhyāḥ // (2) Par.?

yāthākāmī vā // (3) Par.?

citrāpakṣaṃ tu varjayet // (4) Par.?

maghāsu hanyante gāvaḥ phalgunīṣu vyuhyata iti vijñāyate maṅgalaṃ ca // (5) Par.?

satyenottabhitā pūrvāparam ity upadadhīta // (6) Par.?

pativedanaṃ ca // (7) Par.?

yuvaṃ bhagam iti saṃbhalaṃ sānucaraṃ prahiṇoti // (8) Par.?

brahmaṇaspata iti brahmāṇam // (9) Par.?

tad vivṛhācchaṅkamāno niśi kumārīkulād valīkānyādīpya // (10) Par.?

devā agra iti pañcabhiḥ sakṛt pūlyānyāvāpayati // (11) Par.?

anṛkṣarā iti kumārīpālaṃ prahiṇoti // (12) Par.?

udāhārasya pratihiteṣur agrato jaghanato brahmā // (13) Par.?

yo anidhma ity apsu logaṃ pravidhyati // (14) Par.?

idam aham ity apohya // (15) Par.?

yo bhadra ity anvīpam udacya // (16) Par.?

āsyai brāhmaṇā iti prayacchati // (17) Par.?

āvrajatām agrato brahmā jaghanato 'dhijyadhanvā // (18) Par.?

bāhyataḥ plakṣodumbarasyottarato 'gneḥ śākhāyām āsajati // (19) Par.?

tenodakārthān kurvanti // (20) Par.?

tataś cānvāsecanam anyena // (21) Par.?

antarupātītyeti juhoti // (22) Par.?

pra tvā muñcāmīti veṣṭaṃ vicṛtati // (23) Par.?

uśatīr ity etayā trir ādhāpayati // (24) Par.?

saptabhir uṣṇāḥ saṃpātavatīḥ karoti // (25) Par.?

yad āsandyām iti pūrvayor uttarasyāṃ sraktyāṃ tiṣṭhantīm āplāvayati // (26) Par.?

yac ca varco yathā sindhur ity utkrāntām anyenāvasiñcati // (27) Par.?