Texts

Help

Select a text:
Bibliography
Select a chapter:
 (no revisions)
Associated topic(s): ekāha, midday sacrifice, mādhyandina, mādhyaṃdinasavana

Show parallels  Show headlines
Use dependency labeler
Chapter id: 16057
  • Click on a sentence to show its analysis
  • Keep the mouse pointer over a lemma to show its meanings.
taṃ vo dasmam ṛtīṣahaṃ tat tvā yāmi suvīryam iti brāhmaṇācchaṃsina stotriyānurūpau // (1) Par.?
ud u tye madhumattamā gira iti bārhataḥ pragāthaḥ // (2) Par.?
paśavo vai pragāthaḥ // (3) Par.?
paśavaḥ svaraḥ // (4) Par.?
paśūnām āptyai // (5) Par.?
ato madhyaṃ vai sarveṣāṃ chandasāṃ bṛhatī // (6) Par.?
madhyaṃ mādhyaṃdinaṃ savanānām // (7) Par.?
tan madhyenaiva madhyaṃ samardhayati // (8) Par.?
indraḥ pūrbhid ātirad dāsam arkair ity ukthamukham // (9) Par.?
ud u brahmāṇy airata śravasyeti paryāsaḥ // (10) Par.?
eved indraṃ vṛṣaṇaṃ vajrabāhum iti paridadhāti // (11) Par.?
vasiṣṭhāso abhyarcanty arkair iti // (12) Par.?
annaṃ vā arkaḥ // (13) Par.?
annādyam evāsmai tat paridadhāti // (14) Par.?
sa na stuto vīravaddhātu gomad iti // (15) Par.?
annaṃ vā arka iti // (16) Par.?
prajāṃ caivāsmai tat paśūṃś cāśāste // (17) Par.?
yūyaṃ pāta svastibhiḥ sadā na iti svastimatī rūpasamṛddhā // (18) Par.?
etad vai yajñasya samṛddhaṃ yad rūpasamṛddhaṃ yat karma kriyamāṇam ṛgyajurvābhivadati // (19) Par.?
svasti tasya yajñasya pāram aśnute ya evaṃ veda yaś caivaṃ vidvān brāhmaṇācchaṃsy etayā paridadhāti // (20) Par.?
ṛjīṣī vajrī vṛṣabhas turāṣāḍ iti yajati // (21) Par.?
etām eva tad devatāṃ yathābhāgaṃ prīṇāti // (22) Par.?
vaṣaṭkṛtyānuvaṣaṭkaroti // (23) Par.?
praty evābhimṛśante // (24) Par.?
nāpyāyayanti // (25) Par.?
na hy anārāśaṃsāḥ sīdanti // (26) Par.?
Duration=0.10892105102539 secs.