Texts

Help

Select a text:
Bibliography
Select a chapter:
 (no revisions)
Associated topic(s): atirātra

Show parallels  Show headlines
Use dependency labeler
Chapter id: 16124
  • Click on a sentence to show its analysis
  • Keep the mouse pointer over a lemma to show its meanings.
śarvarī vai nāma rātriḥ // (1) Par.?
te devā abruvann api vai naś śarvaryām abhūd iti // (2) Par.?
tad evāpiśarvarāṇām apiśarvaratvam // (3) Par.?
api ha vā asya śarvaryāṃ bhavati ya evaṃ veda // (4) Par.?
asureṣu vā idam agra āsīt // (5) Par.?
tad devā abhijityābruvan kena nv ahorātre upariṣṭāt saṃdadhyāmeti // (6) Par.?
ta etad rāthantaraṃ saṃdhim apaśyan // (7) Par.?
tenāhorātre upariṣṭāt samadadhuḥ // (8) Par.?
yat samadadhus tat saṃdheḥ saṃdhitvam // (9) Par.?
āśvinaṃ ha khalu vai saṃdher uktham // (10) Par.?
mahati rātre saṃdhinā stuvanti // (11) Par.?
ā sūryasyodetor āśvinam anuśasyate // (12) Par.?
ahorātrayor eva saṃtatyā ahorātrayoḥ samārambhāya // (13) Par.?
ahorātre devā abhijitya te vajram eva paridhim akurvata paśūnāṃ guptyā asurāṇām anabhyavacārāya // (14) Par.?
tad yad etā uṣṇiho 'ntataḥ kriyante vajro vā uṣṇiho vajreṇaiva tat paśūn parigṛhṇanty aparāvāpāya // (15) Par.?
nāsya vittaṃ paropyate ya evaṃ veda // (16) Par.?
Duration=0.035902976989746 secs.