Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16252
  • Click on a sentence to show its analysis
  • Keep the mouse pointer over a lemma to show its meanings.
athaitebhyas tribhyo rūpebhyo madhyaṃdinān neyād andhasvato marutvataḥ pratnavataḥ // (1) Par.?
annaṃ vā andhaḥ // (2) Par.?
vīryaṃ marutaḥ // (3) Par.?
svargo lokaḥ pratnaḥ // (4) Par.?
yad andhasvata iyād annādyāt tad iyāt // (5) Par.?
yan marutvata iyād vīryāt tad iyāt // (6) Par.?
yat pratnavata iyāt svargāt tal lokād iyāt // (7) Par.?
sa yady eteṣāṃ sarveṣām avakāśaṃ na vinden marutvata eva neyāt // (8) Par.?
vīryaṃ vai marutvataḥ // (9) Par.?
vīryeṇa vai karma kriyate // (10) Par.?
vīryeṇa sarvam abhyaśnute // (11) Par.?
tasmān marutvata eva neyād iti // (12) Par.?
athaitāṃ svareṇa gāyatrīm abhyārohati // (13) Par.?
prāṇaḥ svaraḥ // (14) Par.?
prāṇenaivaitat prāṇam abhyārohati // (15) Par.?
na vai prāṇaḥ prāṇaṃ hinasti // (16) Par.?
sa yat svareṇa gāyatrīm abhyārohati prāṇam eva tat prathamato yajñasya dadhāti // (17) Par.?
tasmād ayaṃ prāṇaḥ prathamato hitaḥ // (18) Par.?
atho āgneyam etad devatayā yat svāram // (19) Par.?
āgneyam etac chando yad gāyatrī // (20) Par.?
agninaiva tad agnim abhyārohati // (21) Par.?
agnir vai pathikṛd devatānām // (22) Par.?
yena vai kena cāgnir eti panthānam eva kurvann eti // (23) Par.?
sa yat svareṇa gāyatrīm abhyārohaty agnim eva tat pathikṛtaṃ prathamato yajñasya yunakti // (24) Par.?
so 'gninaiva kṛtaṃ panthānam anveti // (25) Par.?
sa yathā pathā yann evam eva svasty ariṣṭa udṛcaṃ samaśnute ya evaṃ vidvān svareṇa gāyatrīm abhyārohati // (26) Par.?
Duration=0.060679912567139 secs.