Texts

Help

Select a text:
Bibliography
Select a chapter:
 1 revision
Associated topic(s): agnicayana

Show parallels  Show headlines
Use dependency labeler
Chapter id: 16259
  • Click on a sentence to show its analysis
  • Keep the mouse pointer over a lemma to show its meanings.
agner bhāgo 'si dīkṣāyā ādhipatyam iti purastād upadadhāti // (1) Par.?
yajñamukhaṃ vā agniḥ // (2) Par.?
yajñamukhaṃ dīkṣā // (3) Par.?
yajñamukhaṃ trivṛt // (4) Par.?
yajñamukham eva purastād dadhāti // (5) Par.?
nṛcakṣasāṃ bhāgo 'si dhātur ādhipatyam iti dakṣiṇataḥ // (6) Par.?
ye vai vidvāṃsas te nṛcakṣasaḥ // (7) Par.?
annaṃ dhātā // (8) Par.?
prajananaṃ saptadaśaḥ // (9) Par.?
prajābhya eva prajātābhyo 'nnam apidadhāti // (10) Par.?
tasmāj jāto 'nnam abhyāyacchati // (11) Par.?
mitrasya bhāgo 'si varuṇasyādhipatyam iti paścāt // (12) Par.?
prāṇo vai mitraḥ // (13) Par.?
apāno varuṇaḥ // (14) Par.?
prāṇāpānā eva yajamāne dadhāti // (15) Par.?
indrasya bhāgo 'si viṣṇor ādhipatyam ity uttarāt // (16) Par.?
ojo vā indraḥ // (17) Par.?
ojo viṣṇuḥ // (18) Par.?
ojaḥ pañcadaśaḥ // (19) Par.?
oja evottarād dadhāti // (20) Par.?
tasmād uttarād abhiprayāyī jayati // (21) Par.?
vasūnāṃ bhāgo 'si rudrāṇām ādhipatyam iti purastāt // (22) Par.?
yajñamukhaṃ vai vasavaḥ // (23) Par.?
yajñamukhaṃ rudrāḥ // (24) Par.?
yajñamukhaṃ caturviṃśaḥ // (25) Par.?
yajñamukham eva purastād dadhāti // (26) Par.?
ādityānāṃ bhāgo 'si marutām ādhipatyam iti dakṣiṇataḥ // (27) Par.?
annaṃ vā ādityāḥ // (28) Par.?
annaṃ marutaḥ // (29) Par.?
annaṃ pañcaviṃśaḥ // (30) Par.?
annam eva dakṣiṇato 'varunddhe // (31) Par.?
adityā bhāgo 'si pūṣṇa ādhipatyam iti paścāt // (32) Par.?
pratiṣṭhā vā aditiḥ // (33) Par.?
pratiṣṭhā pūṣā // (34) Par.?
pratiṣṭhā triṇavaḥ // (35) Par.?
pratiṣṭhityai // (36) Par.?
devasya savitur bhāgo 'si bṛhaspater ādhipatyam ity uttarāt // (37) Par.?
brahma vai bṛhaspatiḥ // (38) Par.?
brahma catuṣṣṭomaḥ // (39) Par.?
brahmavarcasam evottarād dadhāti // (40) Par.?
savitṛmatī bhavati // (41) Par.?
tasmād udīcī brāhmaṇebhyas saniḥ prasūtā // (42) Par.?
dhartraṃ catuṣṣṭoma iti purastāt // (43) Par.?
yajñamukhaṃ vai catuṣṣṭomaḥ // (44) Par.?
yajñamukham eva purastād dadhāti // (45) Par.?
yavānāṃ bhāgo 'sy ayavānām ādhipatyam iti dakṣiṇataḥ // (46) Par.?
māsā vai yavāḥ // (47) Par.?
annaṃ māsāḥ // (48) Par.?
annam eva dakṣiṇato 'varunddhe // (49) Par.?
ṛbhūṇāṃ bhāgo 'si viśveṣāṃ devānām ādhipatyam iti paścāt // (50) Par.?
trayastriṃśad devatāḥ // (51) Par.?
devatāsv eva pratitiṣṭhati // (52) Par.?
vīvarto aṣṭācatvāriṃśa ity uttarāt // (53) Par.?
tasmāddhastau samāvadvīryau // (54) Par.?
arkyasya vā eṣā vidhām anuvidhīyate // (55) Par.?
annam arkaḥ // (56) Par.?
arko 'gniḥ // (57) Par.?
atty annaṃ yasyaiṣaivaṃ viduṣo vidhīyate // (58) Par.?
yā mukhyās tāḥ purastād upadadhāti // (59) Par.?
āsya mukhyo jāyate ya evaṃ veda // (60) Par.?
yā annavatīs tā dakṣiṇataḥ // (61) Par.?
āsyānnādo jāyate ya evaṃ veda // (62) Par.?
yāḥ pratiṣṭhāvatīs tāḥ paścāt // (63) Par.?
gacchati pratiṣṭhāṃ ya evaṃ veda // (64) Par.?
yā ojasvatīs tā uttarāt // (65) Par.?
āsya balī jāyate ya evaṃ veda // (66) Par.?
ya evam etāsām ṛddhiṃ vedardhnoti // (67) Par.?
Duration=0.17389106750488 secs.