Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16282
  • Click on a sentence to show its analysis
  • Keep the mouse pointer over a lemma to show its meanings.
yo vā ṛksāmābhyām āyatanavadbhyām ārtvijyaṃ karoty āyatanavān bhavati // (1) Par.?
prastāva evarcaḥ sāmann āyatanam // (2) Par.?
yad ūrdhvaṃ prastāvāc channaṃ gāyati tat sāmna ṛcy āyatanam // (3) Par.?
pratihāra evarcaḥ sāmann āyatanam // (4) Par.?
yad ūrdhvaṃ pratihārāc channaṃ gāyati tat sāmna ṛcy āyatanam // (5) Par.?
nidhanam evarcaḥ sāmann āyatanam // (6) Par.?
yan nidhanam atisvarati tat sāmna ṛcy āyatanam // (7) Par.?
sa ya evam etābhyām ṛksāmābhyām āyatanavadbhyām ārtvijyaṃ karoty āyatanavān eva bhavati // (8) Par.?
tad vā etad dvayam evark caiva sāma ca // (9) Par.?
tayor yat satyaṃ prajāsu bhavati jayati taṃ lokaṃ yaḥ satyena jeyaḥ // (10) Par.?
vāg vā ṛcaḥ satyam // (11) Par.?
manaḥ sāmnaḥ // (12) Par.?
ete ha vā ṛksāmayoḥ satye // (13) Par.?
satyaṃ prajāsu bhavati jayati taṃ lokaṃ yaḥ satyena jeyaḥ // (14) Par.?
ṛcaḥ satyena sāma gāyāt // (15) Par.?
sāmnaḥ satyenarcam // (16) Par.?
ṛksāmne u ha vai svargasya lokasyeśāte // (17) Par.?
taṃ ha vā ete svargaṃ lokaṃ gamayataḥ // (18) Par.?
sa svargasya lokasyeśe ya ene evaṃ gāyati // (19) Par.?
tasmād evam eva geye // (20) Par.?
Duration=0.058040857315063 secs.