Texts

Help

Select a text:
Bibliography
Select a chapter:
 (no revisions)
Associated topic(s): twelve-day Soma rite, dvādaśāha

Show parallels  Show headlines
Use dependency labeler
Chapter id: 16437
  • Click on a sentence to show its analysis
  • Keep the mouse pointer over a lemma to show its meanings.
atha śvo bhūte caturviṃśaṃ chandomam upayanti bṛhatsāmānam // (1) Par.?
atha śvo bhūte catuścatvāriṃśaṃ chandomam upayanti rathaṃtarasāmānam // (2) Par.?
atha śvo bhūte 'ṣṭācatvāriṃśaṃ chandomam upayanti bṛhatsāmānam // (3) Par.?
atha śvo bhūte caturviṃśam agniṣṭomam upayanti rathaṃtarasāmānam // (4) Par.?
avivākyam etad ahar bhavati // (5) Par.?
naitad ahar anyonyasmā upahatāya vyāhuḥ // (6) Par.?
gāthayā vā nārāśaṃsyā vā vibrūyād iti // (7) Par.?
tad u vā āhur na vai yajñaḥ saṃtiṣṭhate yan na vibrūyād iti // (8) Par.?
vibrūyād iti vai no brāhmaṇaṃ bhavati // (9) Par.?
naitad ādriyeta // (10) Par.?
nādriyeteti sthitiḥ // (11) Par.?
ananuṣṭubham etad ahar bhavati // (12) Par.?
nānuṣṭubho 'dhīyate // (13) Par.?
te ced anuṣṭubha uddharerann adhvaryur anuṣṭubha uddharet // (14) Par.?
amūr yā upa sūrye yābhir vā sūryaḥ saha tā no hinvantv adhvaram ity etayā sauryā gāyatryā vasatīvarīr gṛhṇīyāt // (15) Par.?
hṛde tvā manase tvety apoddhṛtyaitām anyayā saumyā gāyatryā rājānam upāvaharet // (16) Par.?
viṣṇo tvaṃ no antama ity apoddhṛtyaitām anyayā vaiṣṇavyā gāyatryā rājānam upatiṣṭheta // (17) Par.?
sa u ced avidvān anuṣṭubham abhivyāharati atyakramiṣam iti hotre prāha // (18) Par.?
hotānāptasyāpayitā // (19) Par.?
hotāsya tad akṣarair apivayati // (20) Par.?
sa u cen manyetāmitakāmo vā aham asmi yad ṛṅmayaṃ vede yajurmayam eva tad yāv evākṣaryau vedau tau saṃpādayetām iti naitad ādriyeta // (21) Par.?
nādriyeteti sthitiḥ // (22) Par.?
saṃtiṣṭhata eṣa caturviṃśo 'gniṣṭomo rathaṃtarasāmā // (23) Par.?
Duration=0.086102962493896 secs.