Texts

tasya vā etasyāgneḥ vāg evopaniṣat / (1.1) Par.?

vācā hi cīyata ṛcā yajuṣā sāmneti nu daivyā / (1.2) Par.?

atha yan mānuṣyā vācāhetīdaṃ kurutetīdaṃ kuruteti tad u ha tayā cīyate // (1.3) Par.?

sā vā eṣā vāk tredhā vihitarco yajūṃṣi sāmāni / (2.1) Par.?

tenāgnis tredhā vihitaḥ / (2.2) Par.?

etena hi trayeṇa cīyate / (2.3) Par.?

apy ahaivaṃ tredhā vihitaḥ / (2.4) Par.?

itthaṃ ha tv evāpi tredhā vihito yad asmiṃs tredhā vihitā iṣṭakā upadhīyante puṃnāmnya strīnāmnyo napuṃsakanāmnyaḥ / (2.5) Par.?

tredhā vihitāny u evemāni puruṣasyāṅgāni puṃnāmāni strīnāmāni napuṃsakanāmāni // (2.6) Par.?

so 'yam ātmā tredhā vihita eva / (3.1) Par.?

so 'nena tredhā vihitenātmanaitaṃ tredhā vihitaṃ daivam amṛtam āpnoti / (3.2) Par.?

tā u sarvā iṣṭakā ity evācakṣate neṣṭaka iti neṣṭakam iti vāco rūpeṇa / (3.3) Par.?

vāgghy evaitat sarvaṃ yat strī pumān napuṃsakam / (3.4) Par.?

vācā hy evaitat sarvam āptam / (3.5) Par.?

tasmād enā aṅgirasvad dhruvā sīdety eva sarvāḥ sādayati nāṅgirasvad dhruvaḥ sīdeti nāṅgirasvad dhruvaṃ sīdeti / (3.6) Par.?

vācaṃ hy evaitāṃ saṃskurute // (3.7) Par.?

sā yā sā vāg asau sa ādityaḥ / (4.1) Par.?

sa eṣa mṛtyuḥ / (4.2) Par.?

tad yat kiṃcārvācīnam ādityāt sarvaṃ tan mṛtyunāptam / (4.3) Par.?

sa yo hainam ato 'rvācīnaṃ cinute mṛtyunā hainaṃ sa āptaṃ cinute / (4.4) Par.?

mṛtyave ha sa ātmānam apidadhāti / (4.5) Par.?

atha ya enam ata ūrdhvaṃ cinute sa punarmṛtyum apajayati / (4.6) Par.?

vidyayā ha vā asyaiṣo'ta ūrdhvaṃ cito bhavati // (4.7) Par.?

sā vā eṣā vāk tredhā vihitarco yajūṃṣi sāmāni / (5.1) Par.?

maṇḍalam evarcaḥ / (5.2) Par.?

arciḥ sāmāni / (5.3) Par.?

puruṣo yajūṃṣi / (5.4) Par.?

athaitad amṛtaṃ yad etad arcir dīpyata idaṃ tat puṣkaraparṇam / (5.5) Par.?

tad yat puṣkaraparṇam upadhāyāgniṃ cinoty etasminn evaitad amṛta ṛṅmayaṃ yajurmayaṃ sāmamayam ātmānaṃ saṃskurute / (5.6) Par.?

so 'mṛto bhavati // (5.7) Par.?