Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): subrahmaṇyā
Show parallels Show headlines
Use dependency labeler
Chapter id: 16512
- Click on a sentence to show its analysis
- Keep the mouse pointer over a lemma to show its meanings.
atha yatra subrahmaṇyaḥ subrahmaṇyām āhvayaty etasmin ha kāle 'surarakṣāṃsi devānāṃ yajñam ajighāṃsan // (1.1) Par.?
te devā nihavam evākurvata brahmo3m subrahmo3m iti // (2.1) Par.?
tān ādityaḥ parjanyaḥ purobalāko bhūtvābhiprait / (3.1) Par.?
tān vṛṣṭyāśanyā vidyutāhan // (3.2) Par.?
tad āhuḥ strī subrahmaṇyā3 pumā3n napuṃsakā3m iti // (4.1) Par.?
sarvam eveti brūyāt // (5.1) Par.?
yat parjanyaḥ purobalāko bhūtvābhiprait tena pumān / (6.1) Par.?
yad vṛṣṭyā yad aśanyā tena strī / (6.2) Par.?
yad vidyutā tena napuṃsakam / (6.3) Par.?
tasmāt sarvam eveti brūyāt // (6.4) Par.?
tad āhur ṛk subrahmaṇyā3 yajū3s sāmā3 iti / (7.1) Par.?
sarvam eveti brūyāt / (7.2) Par.?
ṛca ivāsyā nāmadheyaṃ subrahmaṇyeti / (7.3) Par.?
tasmād ṛk / (7.4) Par.?
mantra evaṃ khalv ayaṃ nigadabhūto bhavati / (7.5) Par.?
tasmād yajuḥ / (7.6) Par.?
sāmakāriṇaḥ kurvanti yathānyaiḥ sāmabhiḥ / (7.7) Par.?
tasmāt sāma / (7.8) Par.?
tasmāt sarvam eveti brūyāt // (7.9) Par.?
tad vā etat subrahmaṇyām āhūya yajamānaṃ vācayati rakṣasām apahatyai // (8.1) Par.?
sāsi subrahmaṇye tasyās te pṛthivī pāda ity āha / (9.1) Par.?
yāny eva pṛthivyām asurarakṣāṃsi tāny eva tenāpahate / (9.2) Par.?
sāsi subrahmaṇye tasyās te 'ntarikṣaṃ pāda ity āha / (9.3) Par.?
yāny evāntarikṣe 'surarakṣāṃsi tāny eva tenāpahate / (9.4) Par.?
sāsi subrahmaṇye tasyās te dyauḥ pāda ity āha / (9.5) Par.?
yāny eva divy asurarakṣāṃsi tāny eva tenāpahate / (9.6) Par.?
sāsi subrahmaṇye tasyās te diśaḥ pāda ity āha / (9.7) Par.?
yāny eva dikṣv asurarakṣāṃsi tāny eva tenāpahate / (9.8) Par.?
parorajās te pañcamaḥ pāda ity āha / (9.9) Par.?
paraṃ rajaso vai brahmaṇaḥ sthānam / (9.10) Par.?
tad etad āha sā na iṣam ūrjaṃ dhukṣvety āha / (9.11) Par.?
iṣam evāsmā ūrjaṃ dugdhe / (9.12) Par.?
vīryam annādyaṃ dhehīty āha / (9.13) Par.?
vīryam evāsmā annādyaṃ dadhāti // (9.14) Par.?
brahmaśrī nāmaitat sāma yat subrahmaṇyā tasmāt prātaranuvāka upākṛte visaṃsthite ca yajñe subrahmaṇyaḥ subrahmaṇyām āhvayati // (10.1) Par.?
eṣa vai brahma subrahma cāpnoti ya etad ano yuktaṃ subrahmaṇyāya dadāti // (11.1) Par.?
brahmaṇā caivāsya śriyā ca yajñaṃ samardhayati ya evaṃ veda // (12.1) Par.?
atho khalv āhur yac cāvagataṃ yac cānavagataṃ sarvasyaiṣaiva prāyaścittir iti tasmād evaṃvidaṃ subrahmaṇyaṃ kurvīta nānevaṃvidam // (13.1) Par.?
Duration=0.12222504615784 secs.