Texts

yāvad evātrādhvaryuś ceṣṭati tāvad eṣa pratiprasthātā vāruṇena śṛtenoparamati // (1.1) Par.?

vāruṇasya vāruṇyau bhavataḥ sviṣṭakṛtaḥ sviṣṭavatyau // (2.1) Par.?

atrāsmā etat sataṃ dadāti // (3.1) Par.?

athainaṃ vimitenābhivighnanti // (4.1) Par.?

tasyottarārdhe dundubhim āsañjayati // (5.1) Par.?

tam astaṃ yāty āditya āghnanti // (6.1) Par.?

athainaṃ saṃśāsti yajamāna vācaṃ yaccha rāṣṭre ca jāgṛhīti // (7.1) Par.?

so 'ta ūrdhvaṃ vācaṃyamo bhavati // (8.1) Par.?

sa yat kiṃca vyāharati dadāmīty eva vyāharati // (9.1) Par.?

upasaṃgacchanta enam ete rājagṛhāḥ sūtagrāmaṇyaḥ kṣatrasaṃgrahītāraḥ kāruviśā iti // (10.1) Par.?

tebhyaḥ paṣṭhauhīṃ vehataṃ dadāti // (11.1) Par.?

tāṃ te pacamānā ramayanto jāgarayanta āsate // (12.1) Par.?

athādhvaryur apararātra ādrutya catuṣṭayīnām apāṃ prareke mantham upamathyāvaghrāya vānavaghrāya vā prayacchati // (13.1) Par.?

taṃ sa bhakṣayati tūṣṇīm // (14.1) Par.?

athainaṃ navanītenābhyanakty enā vyāghraṃ pariṣasvajānā iti // (15.1) Par.?

athādityam udyantam upatiṣṭhata ud asāv etu sūrya ud idaṃ māmakaṃ vacaḥ / (16.1) Par.?

ud ihi deva sūrya saha vagnunā mama / (16.2) Par.?

ahaṃ vāco vivācanam mayi vāg astu dharṇasir iti // (16.3) Par.?

rājagṛhān vipravrajato 'numantrayate yantu nadyo varṣantu parjanyāḥ supippalā oṣadhayo bhavantu / (17.1) Par.?

annavatām odanavatām āmikṣavatām eṣāṃ rājā bhūyāsam iti // (17.2) Par.?