Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): agniṣṭoma
Show parallels Show headlines
Use dependency labeler
Chapter id: 16555
- Click on a sentence to show its analysis
- Keep the mouse pointer over a lemma to show its meanings.
āpa undantu jīvase dīrghāyutvāya varcasa iti // (1) Par.?
ūrdhvāgraṃ barhir anūcchrayaty oṣadhe trāyasvainam iti // (2) Par.?
svadhitiṃ tiryañcaṃ nidadhāti svadhite mainaṃ hiṃsīr iti // (3) Par.?
pravapati devaśrūr etāni pravapa iti // (4) Par.?
svasty uttarāṇy aśīyety uptāntaṃ pratyabhimṛśate // (5) Par.?
etayaivāvṛtottaraṃ godānam adbhir unatti yajuṣā vā tūṣṇīṃ vā // (6) Par.?
nāpitāya kṣuraṃ prayacchann āha nāpitoptakeśaśmaśruṃ me nikṛttanakhaṃ prabrūtād iti // (7) Par.?
taṃ tathā prāha // (8) Par.?
athainam adbhir abhiṣiñcaty āpo asmān mātaraḥ śundhantu ghṛtena no ghṛtapuvaḥ punantv iti // (9) Par.?
saṃpradhāvya rajaḥ praplāvayati viśvam asmat pravahantu ripram iti // (10) Par.?
udeti ud ābhyaḥ śucir ā pūta emīti // (11) Par.?
vasanasyāntena praticchādyāpa ācāmati // (12) Par.?
apo 'śnātīti brāhmaṇam // (13) Par.?
atha pradakṣiṇam ahataṃ vāsaḥ paridhatte somasya tanūr asi tanuvaṃ me pāhīti // (14) Par.?
athāsyaitan navanītaṃ vicitam udaśarāva upaśete // (15) Par.?
tasya pāṇibhyāṃ saṃpramlāya mukham eva prathamam abhyaṅkte mahīnāṃ payo 'si varcodhā asi varco mayi dhehīti // (16) Par.?
anulomam ā pādābhyām // (17) Par.?
anyo 'sya pṛṣṭham abhyanakti // (18) Par.?
athāsyaitad āñjanaṃ piṣṭaṃ dṛṣady upaśete satūlā ca śareṣīkā // (19) Par.?
tasya prāṅmukhasya pratyaṅmukha upaviśya savyena pāṇinā dakṣiṇam akṣy anakti vṛtrasya kanīnikāsi cakṣuṣpā asi cakṣur me pāhīti trir anidhāvam // (20) Par.?
dvir uttaram // (21) Par.?
apy u pañca kṛtva āṅkte iti brāhmaṇam // (22) Par.?
pañca kṛtva eva dakṣiṇaṃ pañca kṛtva uttaram // (23) Par.?
athainam ekaviṃśatyā darbhapuñjīlaiḥ pavayati citpatis tvā punātu vākpatis tvā punātu devas tvā savitā punātv acchidreṇa pavitreṇa vasoḥ sūryasya raśmibhir iti // (24) Par.?
yajamānam ativācayati tasya te pavitrapate pavitreṇa yasmai kaṃ pune tac chakeyam iti // (25) Par.?
athainaṃ savye pāṇāv abhipātya śālām ānayati ā vo devāsa īmahe satyadharmāṇo adhvare yad vo devāsa āgure yajñiyāso havāmaha iti // (26) Par.?
pūrvayā dvārā śālāṃ prapādayatīndrāgnī dyāvāpṛthivī āpa oṣadhīr iti // (27) Par.?
athainam agreṇāhavanīyaṃ paryāṇīya dakṣiṇata udaṅmukham upaveśyāhavanīyam īkṣayati tvaṃ dīkṣāṇām adhipatir asīti // (28) Par.?
iha mā santaṃ pāhīty ātmānam // (29) Par.?
Duration=0.08766508102417 secs.